ملی مجلسین انسان حقوقلاری کمیته‌سینین اجلاسین‌دا ملت‌وکیلی صیاد آران «آذری» سؤزونون آذربایجانلا هئچ بیر علاقه‌سینین اولمادیغینی بیلدیریب و «آذریگاز» آدینین دییشدیریلمه‌سینین واجبلیینی گوندمه گتیریب.

«تورکلر بیزه دئییرلر کی، «آذری قارداشلاریمیز». من کونسوللوقدا ایشله‌یه‌نده دفعه‌لرله دئییردیم کی، بیزه بئله دئمیین. «آذری» سؤزونون بیزه عایدیتی یوخ‌دور. «آذریگاز»این قانونی آدی دوزلدیلمه‌لی‌دیر»، – دئیه ملت‌وکیلی بیلدیریب.

Axar.az خبر وئریر کی، سابق تحصیل ناظیری، تورکولوق-عالم فیرودین جلیلوو ده «آذریلر» موضوع‌سونا توخونوب:

- فیرودین بی، بیزه «آذری» دئییلمه‌سی دوغرودورمو و نیه بئله آدلاندیریرلار؟

- ایران‌دا هئچ بیر تاریخی قایناق‌دا بیلگی یوخ‌دور کی، هر هانسی ایراندیللی طایفایا «آذری» دئسینلر. بئله معلومات هئچ بیر منبع‌ده یوخ‌دور. تورکلره عاید آذر بویو حاق‌دا ایسه خیلی معلومات وار. مثلاً، فضل‌الله رشیدالین «اوغوزنامه» یازیب. بو کیتاب‌دا اوغوزون دیلیندن جمله وار - آذر و بایقان. یعنی آذر ساییلان-سئچیله‌ن آداملارا دئییلیر، بایقان ایسه او طایفانین یاشادیغی یئر آدلانیر. بوندان آرتیق داها نه فاکت ایستییرسینیز؟ بو سؤز ۶۰۰ ایل قاباق دئییلیب و ۱۴-جو عصرده قلمه آلینیب. «اوغوزنامه» کیمی اونلارلا بئله فاکت گؤسترمک اولار کی، تورکلرین آذر بویو وار. ساده‌جه، ۱۹-جو عصرده فارس عالملری کولکتیو بیر کتاب یازیبلار. همین کتابین آدینی ایندی خاطیرلایا بیلمیرم، اما اورادا قید اولونور کی، آذریلر فارس‌دیر. آذرله «آذری» سؤزلرینین فرقی اودور کی، فارس دیلینده طایفه آدلارینا "ی" آرتیریرلار. یعنی فارسلار بیزی «آذری» آدلاندیریب. اما جمهوریتچیلر دولتی قوران‌دا اونا آذر آدی قویان‌دا ایران‌دا خوشلارینا گلمه‌دی. او واختدان ایندییه قدر ملا حکومتی بو آدی قبول ائتمیر و هله ده بیزه "باکی حکومتی" دئییرلر.

- دئمه‌لی، مسئله فارسلارین «ی» حرفی آرتیریب «آذری» آدلاندیرماسین‌دان قایناقلانیر؟

- عینی زمان‌دا، کسربا آدلی بیر عالیم یازمیشدی کی، گویا آذریلر تورک دئییل، فارس‌دیر. سون ۱۰۰ ایلده اؤزونه تورکچو دئیه‌نلر ایسه بیلدیریرلر کی، بیز «آذری» دئییلیک، تورکوک. بو دا فارسلارین «دییرمانینا سو تؤکمک»دیر. بیزیم بعضی انسانلار ساوادسیزدیر و «آذر» سؤزونون تورک اولدوغونو باشا دوشمورلر. اصلینده، آذر و خزر عینی سؤزلردیر. حتی ژیرینووسکی دئدی کی، آذرلر ائله خزرلردی. ژیرینووسکی بونو باشا دوشور، بیزیمکیلر باشا دوشمور. تورکمن داستانین‌دا دا خزربایجان دئییرلر. یعنی آذر و خزر عینی‌دیر.

- یعنی بیز «آذری» آدلاندیریلماغا اعتراض ائتملییکمی؟ چونکی تورکیه تورکلری ده بیزه «آذری» دئییرلر...

- «آذری» دئییمی فارس دئییمی‌دیر. گویا کی، سیز تورک دئییلسینیز، فارسسینیز. گلین، «آذربایجان» سؤزونو حصه‌لره بؤلک، اوردا «آذری» سؤزو چیخمیر. اونا گؤره ده بیز «آذری» یوخ، آذریک، یعنی تورکوک.