ایران‌دا یانوارین ۸-دن باشلایان اعتراضلاردان سونرا اینترنت باغلانتی‌سینین کسیلمه‌سی اؤلکه اقتصادیاتینا جدی ضرر وورور.

Axar.az خبر وئریر کی، اکسپرتلرین حسابلامالارینا گؤره، گونده‌لیک بیرباشا اقتصادی ایتکیلر تخمیناً ۲۰،۶ میلیون آمریکا دلاری تشکیل ائدیر.

ایرانین کامپیوتر مهندیسلری و آی.تی سکتورو پئشه تشکیلاتینین صدری علی حکیم جوادی بیلدیریب کی، ان بؤیوک ایتکیلر فعالیتی بیرباشا اینترنته باغلی اولان رقمسال بیزنسلره و اینفورماسییا خدمتلری گؤسترن شرکتلره دییر. بیر چوخ شرکتین فعالیتی ضعیفله‌ییب، بعضیلری ایسه ایشینی تمامیله دایاندیریب.

ایران تجارت پالاتاسینین معلوماتینا گؤره، ایش آداملاری و تاجرلر اینترنتله ایشله‌مکده جدی چتین‌لیکلرله اوزلشمکده داوام ائدیرلر. خارج‌ده‌کی طرفداشلار و مشتریلرله علاقه‌لرین محدودلاشماسی تجارتین بیر حصه‌سینین دایانماسینا گتیریب چیخاریب.

قید ائدک کی، ملی والیوتانین اوجوزلاشماسی و اقتصادی چتین‌لیکلر فونون‌دا باشلایان اعتراضلاردان سونرا اؤلکه‌ده اینترنت آرتیق تخمیناً ۱۸ گوندور کی، کسیلیب. عمومی بیرباشا اقتصادی ضررین ۳۷۰ میلیون دلاردان چوخ اولدوغو بیلدیریلیر.