ارمنستان حاکمیتینین رسپوبلیکانین دمیر یوللارینین اداره اولونماسیندا روسیانی عوض ائتمک ایستیی دوشونولممیش قراردیر.

Axar.az خبر وئریر کی، بو باره‌ده روسیا تهلوکه‌سیزلیک شوراسینین کاتیبی سرگی شویگو دئییب.

او بیلدیریب کی، بئله بیر آددیمدان سونرا موجود سیستم بیر گئجه‌ده سیرادان چیخا بیلر.

"دیگر اؤلکه‌لرین دمیر یوللارینین اداره اولونماسین‌داکی سررشته‌سینی قیمتلندیرمه‌یه‌جه‌یه‌م، اما امین‌لیکله دئیه بیلره‌م کی، باشقا بیر شرکتین ارمنستان‌دا اوزون مدتدیر کی، ان چتین شرطلرده افکتیو شکیل‌ده فعالیت گؤستره‌ن روسیا دمیر یولو داشیییجی‌سینی تام اوز ائده بیلمه‌سی احتمالی آزدیر.

بو یاخینلاردا ارمنستانین آمریکا ایله نووه امکداشلیغی پلانلاری ایله باغلی وضعیتی شرح ائتدیم. بئله‌لیکله، دیپلماتیک دیلله دئسک، دوشونولممیش قرارلار سیراوی ارمنستان وطنداشلارینا باها باشا گله‌جک تهلوکه‌لی تجروبه‌لره سبب اولا بیلرمی؟

تخمیناً ایگیرمی ایل عرضینده قورولموش بیر سیستم ساده‌جه بیر گئجه‌ده چؤکه بیلر. طبیعی کی، هئچ بیر "دوست اؤلکه" بونا گؤره مسئولیت داشیمایاجاق. اومید ائدیره‌م کی، واجیب قرارلار قبول ائدرکن ارمنستان رهبرلییی یالنیز وطنداشلارینین ماراقلاریندان چیخیش ائد‌جک".