ایکی آیلیق آتشکس الده اولونارسا، اوکراینا نظری اولاراق سئچکیلر کئچیره بیلر.

Axar.az خبر وئریر کی، بونو اوکراینا پرزیدنتی ولادیمیر زلنسکی دئییب.

"دوشونوره‌م کی، طرفداشلاریمیز بیر سوالا جواب وئرملیدیرلر: اونلار نه ایستییرلر؟ اونلار اصل سئچکیلر ایستییرلر، یوخسا ساده‌جه منی عوض ائتمه‌یه چالیشیرلار؟ دوشونوره‌م کی، روسلار ساده‌جه منی عوض ائتمک ایستییرلر. بونون مدنی بیر یولو وار - سئچکیلر. اما انسانلارا تأثیر ائده بیلمزسن، اونلار کیمینله یاشادیقلارینی سئچملیدیرلر"، - زلنسکی بیلدیریب.

زلنسکی وورغولاییب کی، واشینگتن اوکراینایا صلح گتیره بیلسه، او، آمریکانین معین سئچکی تکلیفلرینی هئچ واخت بلوکلاماز:

"اگر بیزده سئچکیلرین کئچیریلمه‌سی اوچون ایکی آیلیق آتشکس اولسا، من پارلامنتله دانیشماق و اونلاری دستکلمدیکلری – حتی جمعیتین ده دستکلمدیی – محاربه زمانی سئچکیلرین کئچیریلمه‌سینه راضی سالماق اوچون الیم‌دن گلنی ائد‌جه‌یه‌م. حتی ایکی آیلیق آتشکس الده اولونسا بئله، بو، محاربه‌نین باشا چاتماسی دئمک دئییل».

عینی زمان‌دا پرزیدنت وورغولاییب کی، بونون اوچون انسانلار صلح مسئله‌سی ایله باغلی رفرندوم‌دا اؤز مؤقعلرینی بیلدیرمه‌لی، پارلامنت ایسه قوه‌ده اولان قانون وئریجی‌لییه دییشیک‌لیکلر ائتمه‌لیدیر.