آلمانیانین خارجی ایشلر ناظیرلیی آمریکا-نین ایرانا ممکون هجومو و بونون اسرائیله، ائلجه ده رگیونون دیگر اؤلکه‌لرینه تأثیرلری فونون‌دا بؤلگه‌ده‌کی آلمان وطنداشلارینی تهلوکه‌سیزلیک تدبیرلری گؤرمه‌یه چاغیریب.

Axar.az خبر وئریر کی، آلمانیانین تل-اویوده‌کی سفیرلیینین یایدیغی معلومات‌دا اسرائیل‌ده یاشایان آلمانلارا هوا مکانی باغلاناجاغی تقدیرده، بیر مدت اولدوقلاری یئرده قالماغا حاضر اولمالاری بیلدیریلیب.

قید ائدیلیب کی، آمریکا ایرانا ضربه ائندیرجه‌یی تقدیرده، اسرائیل‌ده‌کی هدفلرین ایران طرفیندن هجوما معروض قالاجاغی گؤزله‌نیلیر. هوا مکانی باغلاندیق‌دا سفیرلیک و خارجی ایشلر ناظیرلیی طرفین‌دن گؤستریله بیله‌جک دستک امکانلارینین محدود اولاجاغی بیلدیریله‌رک، وطنداشلارا یاخینلاشان راکت هجوملاری باره‌ده خبردارائدیجی موبیل تطبیقی تلفنلارینا قوراشدیرمالاری توصیه اولونوب.

آلمانیا خارجی ایشلر ناظیرلیی لبنان‌داکی وطنداشلارینا دا وضعیتین گرگینلشه بیلجه‌یی باره‌ده خبردارلیق ائدیب. آلمانیانین بیروت‌داکی سفیرلیی وورغولاییب کی، وضعیت داها دا کسکینلشرسه ایسته‌نیله‌ن واخت اوچوش محدودیتلری تطبیق اولونا بیلر. آلمانیا وطنداشلارینا سیاحت و تهلوکه‌سیزلیک خبردارلیقلارینی دقتله ایزله‌مک، همچینین ارزاق، ایچمه‌لی سو و یاناجاق احتیاطی توپلاماق توصیه اولونوب.