دانمارک ایله آلمان دنیزین آلتیندان کئچه‌جک نهنگ تونلله بیرلشه‌جک.

Axar.az خبر وئریر کی، بو باره‌ده «لوکال گرمانی» نشری معلومات یاییب.

قید اولونوب کی، لاییحه چرچیوه‌سینده فهمارن بوغازی آلتیندا یئرلشه‌جک تونل دانمارکین لوللاند آداسینی آلمانین فهمارن آداسی ایله بیرلشدیره‌جک.

معلوماتا گؤره، تیکینتی‌ده ۸۹ عدد نهنگ بتون بلوک‌دان استفاده اولونور. هر بیر بلوکون اوزونلوغو تخمیناً ۲۱۷ متر، چکیسی ایسه ۷۳ مین تن‌دان چوخ‌دور. بو حیصه‌لر اول قورودا حاضرلانیر، داها سونرا خصوصی تکنولوژی ایله دنیزین دیبینه یئرلشدیریلیر.

مهندیسلر بلوکلاری بیر-بیرینه جمعی ۱۵ میلی‌مترلیک دقیقلیکله بیرلشدیریر کی، بو دا لاییحه‌نین ان مرکب و دیقت‌چکن طرفلریندن حساب اولونور.

تخمیناً ۱۸ کیلومتر اوزونلوغوندا اولاجاق تونل هم آتوموبیل، هم ده دمیر یولو نقلیاتینی احاطه ائد‌جک. لاییحه تاماملاندیقدان سونرا ایکی اؤلکه آراسیندا نقلیات خیلی سرعت‌لنه‌جک و رئگیونون اقتصادی علاقه‌لرینه جدی تأثیر گؤستره‌جک.

بو لاییحه‌ده کلاسیک قازما اصولو دئییل، «باتیرما تونل» تکنولوژیسی تطبیق اولونور: یعنی تونل حیصه‌لری آیری-آیریلیق‌دا حاضرلانیب دنیزین دیبینده بیرلشدیریلیر.

نتیجه‌ده، بو نهنگ تیکیلینین دنیانین ان بؤیوک سوآلتی نقلیات لاییحه‌لرین‌دن بیری اولاجاغی گؤزله‌نیلیر.