قیرغیزیستان‌دا قاریشیق دؤیوش صنعتلری (مما) اوزره ایدمان‌چی مدت ژئنالیئو ایکی اوشاغی خلاص ائدرکه‌ن فاجیعوی شکیل‌ده حیاتینی ایتیریب.

Axar.az خبر وئریر کی، دهشتلی حادثه ایسیک-کول گؤلونون شمال ساحلینده قیده آلینیب.

چیمرلیکلرین بیرین‌ده گوجلو کولک و نهنگ دالغالار ایکی مکتب‌لی قیزی ساحل‌دن اوزاقلاشدیرماغا باشلاییب. بوغولان قیزلارین کمکینه درحال اوچ کیشی، او جمله‌دن پئشه‌کار مما دؤیوش‌چوسو ژئنالیئو آتیلیب.

یئنی‌یئتمه‌لری سودان ساغ چیخارماق ممکن اولسا دا، مدت اؤزو دالغالارین آراسیندان خلاص اولا بیلمه‌ییب.

ایدمانچینین جسدی خلاص ائدیجیلر طرفیندن تاپیلیب. بو گون مدت ژئنالیئوین جنازه‌سی دفن اولونماق اوچون نارین شهرینه آپاریلیب.