آذربایجان رسپوبلیکاسینین پرزیدنتی الهام علیئو مایین ۱۵-ده تورک دولتلری تشکیلاتینین دولت باش‌چیلارینین غیری-رسمی زیروه گؤروشونده اشتراک ائد‌ن دیگر پرزیدنتلرله بیرلیکده ترکستان شهرینده‌کی "حضرت سلطان" موزه-قوروغو ایله تانیش اولوب.

Axar.az خبر وئریر کی، دولت باش‌چیلارینا قوروق حاقین‌دا معلومات وئریلیب.

بیلدیریلیب کی، "هحضرت سلطان" ملی تاریخ-مدنیت موزه-قوروغو ۱۹۸۹-جو ایلده یارادیلیب. موزه‌ده‌کی "نادر اکسپوناتلار زالی" قازاخیستانین ان اهمیت‌لی موزه و سرگی لایحه‌لرین‌دن بیریدیر. مقصد اورتا عصرلر دورونون نادر تاریخی و مدنی ارثینی قوروماق و تبلیغ ائتمک‌دیر. موزه‌ده ترکستانین زنگین تاریخی، تورک دنیاسینین معنوی ارثی و خوجا احمد یسوی مقبره‌سینه عاید نادر آرتفاکتلار نمایش اولونور. حاضردا موزه‌-قوروغون کولکسیاسین‌دا ۲۶ مین‌دن چوخ اکسپونات وار کی، اونلارین دا تخمیناً ۸۰ فایزی آرتفاکت‌دیر.

سونرا ترکستان‌دا یئرلشن خوجا احمد یسوی مقبره‌سی ایله تانیش‌لیق اولوب. بورا مرکزی آسیانین ان بؤیوک اسلام معمارلیغی عابده‌لریندن بیریدیر و قازاخیستانین معنوی رمزی کیمی قبول ائدیلیر. مقبره ۱۴-جو عصرین سونوندا گؤرکملی صوفی شاعر، متفکر احمد یسوینین دفن اولوندوغو یئرده امیر تیمورون گؤستریشی ایله انشا اولونوب. واحد معمارلیق دیزاینینا مالک بو کومپلکس‌ده ۳۵-دن چوخ مختلف تعینات‌لی اوتاق یئرلشیر. نادر آرتفاکتلارین ساخلانیلدیغی مقبره اسلام دنیاسینین معنوی و مدنی مرکزلریندن بیری حساب اولونور.