ارمنستان و تورکیه ایش آداملاری قارس شهرینده گؤروش کئچیریب.

Axar.az خبر وئریر کی، گؤروشده نقلیات، لوگیستیکا، توریزم و تجارت ساحه‌لرینده امکداشلیق امکانلاری مذاکره ائدیلیب.

گؤروش قارس تجارت و صنایع پالاتاسینین (کاتسو) تشببوسو، ائلجه ده ارمنستان و تورکیه خارجی ایشلر ناظیرلیکلرینین و تورکیه تجارت پالاتالاری و بیرژالاری بیرلیینین دسته‌یی ایله باش توتوب.

تجارت و صنایع پالاتاسینین پرزیدنتی قادر بوزان نقلیات و لوگیستیکا اینفراستروکتورونون انکشافینین رگیونون اقتصادی گلجه‌یی اوچون بؤیوک اهمیت کسب ائتدیینی وورغولاییب. او، کئچیریله‌ن هر بیر گؤروشون یئنی اینوستیسیالارا و دوستلوق علاقه‌لرینین فورمالاشماسینا سبب اولاجاغینا امید ائتدیینی بیلدیریب.

تورکیه‌لی و ارمنی ایش آداملاری همچنین قیدا صنایعسی، تکستیل، تیکینتی، توریزم و تخنولوگیا سکتورلاری ایله باغلی مسئله‌لر اوزره قاپالی گؤروشلر کئچیریبلر.