حاضردا یاخین شرق‌ده تام مقیاس‌لی محاربه‌یه قاییدیش یوخ، اداره اولونان آتشکس‌دن ادارولونمایان اسکالاسیایا کئچید ریسکی گؤرونور. یعنی آمریکانین ایران رادار و پوا اداره ائتمه مرکزلرینه ضربه‌لری، سپاهین مق-۱ پوا-سینی وورماسی و تهرانین لیوان‌داکی گرگین‌لییی اساس گتیره‌رک، آمریکا ایله دانیشیقلاری دایاندیردیغی باره‌ده آچیقلاما وئرمه‌سی اونو گؤستریر کی، طرفلر ماسادان تام قالخماسالار دا، حربی تضییقی دانیشیقلار آلتینه چئویریبلر.

بو سؤزلری Axar.az-ا آچیقلاماسین‌دا تورکیه‌لی گنرال یوجل کاراوز ایران و آمریکا آراسین‌دا باش وئرن پروسسلری شرح ائدرکه‌ن دئییب.

اکسپرتین سؤزلرینه گؤره، ایران بورادا اوچ مئساژ وئریر:

«بیرینجی‌سی، لیوان و غزه مسئله‌سینی آمریکا-ایران دانیشیقلاریندان آیری توتمایاجاق. ایکینجی‌سی، سپاه و متفیق قوه‌لر واسطه‌سیله رگیونال تضییق امکانلارینی ساخلایاجاق. اوچونجوسو ده هرمز و حتی باب المندب کیمی انرژی کئچید خطلرینی تهدید کارتی کیمی ماسادا ساخلایاجاق.

اونو دا قید ائدیم کی، محاربه‌نین یئنی‌دن باشلاماسی احتمالی وار، آنجاق حاضردا داها رئال سناری محدود ضربه‌لر، پوا-راکت هجوملاری، دنیز یوللارین‌دا تضییق و دیپلماتیک فاصله‌لرله داوام ائد‌ن گرگین‌لیک‌دیر. یعنی طرفلر بؤیوک محاربه‌نی ایسته‌مه‌سه‌لر ده، سهو حسابلاما، اسرائیل-لیوان خطین‌ده گئنیشله‌نمه و کؤرفز بازالارینا هجوم ریسکی وضعیتی نظارت‌دن چیخارا بیلر.

دیگر طرف‌دن، آمریکا دا، ایران دا حربی اوستونلوک نمایش ائتدیرمکله داها صرفه‌لی راضیلاشما شرطلری الده ائتمه‌یه چالیشیر. لاکین یاخین مدتده گئنیش و دایانیقلی راضیلاشما احتمالی ضعیف‌دیر. چونکی اولجه لیوان-غزه جبهه‌سین‌ده ساکیتلشمه، هرمز تهلوکه‌سینین آزالماسی و قارشی‌لیقلی ضربه‌لرین دایانماسی لازیم‌دیر.

نتیجه اعتباریله، یاخین شرق حاضردا نه تام صلح، نه ده تام محاربه مرحله‌سینده‌دیر. بو، سلاحلی دیپلماتیا مرحله‌سی‌دیر: ماسا وار، اما ماسانین آرخاسین‌دا راکتلر، پوا-لار، انرژی بوغازلاری و پروکسی قوه‌لر دایانیر».