«سئچکیلرده ایکینجی یئری توتان «گوجلو ارمنستان» بلوکو نیکول پاشینیانا قارشی هم پارلامنتده، هم کوچه‌ده مبارزه آپاراجاق».

Axar.az خبر وئریر کی، بو باره‌ده بلوکون لیدری، ارمنی اصیللی روسیالی میلیاردر ساموئل کاراپتیان دئییب.

کاراپتیان بیلدیریب کی، گله‌جکده آتاجاقلاری آددیملار سیاسی مقصدلرینه چاتماق اوچون هانسی یولون افکتیو اولماسیندان آسیلی اولاجاق. «اگر پاشینیانی پارلامنت واسطه‌سیله قیسا مدتده وظیفه‌سیندن اوزاقلاشدیرا بیلجییمیزه امین اولساق، قانون وئریجی اورگانا گئدجه‌ییک. لاکن کوچه دؤیوشلریندن استفاده ائتمه‌لی اولساق، بونو ائدجه‌ییک»، - او، محکمه اجلاسیندان اول ژورنالیستلره آچیقلاماسیندا دئییب. او قید ائدیب کی، اساس مقصدلری پارلامنتده یئر قازانماق یوخ، پاشینیانی حاکمیتدن اوزاقلاشدیرماقدیر. کاراپتیان پاشینیانین غلبه‌سینی شبهه آلتینا آلیب.