موساد ایرانین یوکسک روتبه‌لی اسرائیل رسمیلرینه قارشی سوء-قصد تشکیل ائتمک مقصدیله ترور گروپونو اؤلکه‌یه کئچیرمک جهدینین قارشی‌سینین آلیندیغینی آچیقلاییب.

Axar.az خبر وئریر کی، بو باره‌ده «ینت» معلومات یاییب.

معلوماتا گؤره، ایرانین کشفیات ناظرلییی، ائلجه ده سپاه سون ایللرده اسرائیل و یهودیلره قارشی یؤنلمیش بین‌الخالق ترور شبکه‌سینین یارادیلماسی اوزرین‌ده فعالیت گؤستریب:

«تهران سون دورده بیرباشا اسرائیل اراضی‌سینده هجوملارین حیاتا کئچیریلمه‌سینه یؤنلمیش فعالیتینی داها دا اینتنسیولشدیریب. موساد، شاباک و متفیق اؤلکه‌لرین تهلوکه‌سیزلیک قوروملارینین کووردیناسییالی فعالیتی نتیجه‌سینده ایرانلا علاقه‌لی اونلارلا ترور عملیاتی ایفشا ائدیلیب. همچینین سون ایکی ایل عرضین‌ده خصوصی خدمت اورگانلاری ایرانین تاپشیریقلاری ایله فعالیت گؤسترمک اوچون اسرائیل ساکنلرینی اله آلماغا یؤنلمیش چوخسایلی جهدین قارشی‌سینی آلیب. آشکارلانان سونونجو سخئم واسطه‌چیلرین جینایتکار شبکه‌سین‌دن ایستیفاده ائتدیینی اوزه چیخاریب. ایران کشفیاتی همین کریمینال شبکه واسطه‌سیله اسرائیل اراضی‌سینده یاشایان و یا اؤلکه‌یه داخل اولماق امکانی اولان شخصلری معین ائد‌رک اونلاری مختلف تاپشیریقلارین اجراسی اوچون سئچمه‌یه چالیشیب. اولجه اونلارا گله‌جک هدفلرله باغلی کشفیات معلوماتلارینین توپلانماسی تاپشیریلیب، داها سونرا ایسه هجوملارین حیاتا کئچیریلمه‌سی اوچون استفاده اولونمالاری پلانلاشدیریلیب. اوپراتیو گروپون یارادیلماسی و فعالیتینین کووردیناسیاسینا «فیلیپ» لقبی ایله تانینان تروت اوزکور آدلی شخص جوابده اولوب. فرانسادا یاشایان «فیلیپ» مختلف ملتلردن اولان شخصلرین سونرادان اسرائیله گؤندریلمه‌سی اوچون جلب اولونماسی ایشینه باخیب. اونو ایکی نفر: «باباک» لقبی ایله تانینان بابا ماهو-زاده حاجی جافان و «نادیم» لقبی ایله تانینان محمت نادیم ییغیت ایشه گؤتوروب. حاضردا هر ایکی شخص ایرانین کشفیات ناظرلیینین حمایه‌سی آلتیندا ایران‌دا یاشاییر. «فیلیپ» فرانسا حاکمیتی طرفیندن اؤلکه‌دن دپورتاسیا ائدیلیب. اونون حاضردا هارادا اولدوغو معلوم دئییل. «باباک» و «نادیم» ایسه فعالیتلرینی ایران‌دان داوام ائتدیریر».

قید اولونوب کی، ایران بیرباشا ایشتیراکینی گیزلتمک و سیاسی نتیجه‌لردن یایینماق اوچون کریمینال واسطه‌چیلری جلب ائد‌رک «پروکسی بای پروکسی» («پروکسی واسطه‌سیله پروک‌سی») سخمین‌دن استفاده ائتمه‌یه داوام ائدیر.