گواتمالادا دنیانین ان آکتیو و تهلوکه‌لی ولکانلاریندان ساییلان فوئگو ولکانی یئنی‌دن پوسکورمه‌یه باشلاییب. گوجلو ولکانیک آکتیولیک سببین‌دن اؤلکه‌ده نارینجی تهلوکه سویه‌سی اعلان اولونوب، ولکانین یاخینلیغیندا یاشایان ساکینلرین تخلیه‌سینه استارت وئریلیب.

Axar.az خبر وئریر کی، ولکانین کراتریندن لاوا آخینلاری پوسکورور، گؤیه ایسه کول و توستودن عبارت نهنگ سوتونلار قالخیر.

حاکمیت تهلوکه‌نین آرتماسی ایله علاقه‌دار اؤلکه اوزره ایکینجی ان یوکسک خبردارلیق سویه‌سینی – نارینجی تهلوکه رژیمینی تطبیق ائدیب. عینی زمان‌دا فوئگو ولکانینین اتیین‌ده یئرلشن یاشاییش منطقه‌لرینین ساکینلری تهلوکه‌سیز اراضیلره کؤچورولور.