بو گون ساعت ۱۸:۰۰-دا «ارمنی میللی کنگرسی» ایرواندا میتینگ کئچیره‌جک.

پوبلیکا. آز خبر وئریر کی، میتینگ ۲۰۰۸-جی ایل ۱ مارت حادثه‌لرینین قوربانلارینین خاطرسینه حصر اولونوب.

«ارمنی میللی کنگرسی» خالقی کوچه‌لره چیخماغا و میتینگه دستک ورمیه چاغیریب.

«ارمنی میللی کنگرسی»نین پارلامنت فراکسییاسینین کاتیبی آرام مانوکیان دئییب کی، میتینگده طنطنه‌لی یوروش اولاجاق.

«۱۰ اینسانین حیاتینی ایتیردیی حادثه‌لردن ۹ ایل اؤتور. بو حادثه‌لره گؤره هئچ کیم جزالاندیریلماییب. ایش اینسان حاقلاری اوزره آوروپا محکمه‌سینه وئریلیب»، - او بیلدیریب.

ارمنیستان مئدیاسی ایسه یازیر کی، میتینگ سئچکی قاباغی تبلیغات کاراکتری داشیماسا دا، یوروش زامانی سیاسی شعارلارین سسلنجیی گؤزلنیلیر. خصوصیله جبهه‌ده باش وئرن سون حادثه‌لرله باغلی چاغیریشلار ائدیله‌جک. حاکمیتدن داغلیق قاراباغ مناقیشه‌سینی حل ائتمک طلب اولوناجاق. میتینگ ایشتیراکچیلاری «ارمنی میللی کنگرسی»نین لیدری لوون تر-پتروسیانین مناقیشه‌نین حلی ایله باغلی تزیسلرینی سسلندیره‌جکلر.

قید ائدک کی، ارمنیستانین بیرینجی پرزیدنتی لوون تر-پتروسیان ۲۰۱۶-جی ایلین ۱۷ دکابرین‌دا پارتییاسینین قورولتایین‌دا چیخیشی زامانی «قاراباغ مناقیشه‌سی ارمنیستانین اینکیشافینا اساس انگلدیر» دئیه بیلدیریب.

او، اراضیلرین تعجیلی قایتاریلماسی و مناقیشه‌نین حل اولونماسی تزیسینی ایر‌لی سوروب. قید ائدیب کی، داها سونرا هر شئی ارمنیستان اوچون داها پیس نتیجه وئره بیلر.