هله بیر عصر اؤنجه ارمنیلر طرفیندن تؤره‌دیلن وحشی‌لیکلرین جانلی شاهیدی، آذربایجانین آزادلیغی و مستقیل‌لیگی اوغروندا جانیندان کئچمیش آذربایجان حرب‌چیسی - جلیل خودیئو حاقیندا مئک-این سربست الکترون رسورسلارلا ایش شعبه‌سینین امکداشلاری طرفیندن آذربایجان ویکیپدییاسیندا مقاله یارادیلیب.

جلیل خودیئو ۱۹۰۵-۱۹۱۸-جی ایللرده باش وئرمیش ارمنی-مسلمان محاربه‌سینین ان فعال ایشتیراک‌چیسی اولوب. اونون قارداشی خودیئو بالاجا ۱۹۰۵-جی ایلده گئجه ارمنیلر طرفین‌دن قتله یئتیریلیب. ج. خودیئو ۱۹۱۸-۱۹۲۰-جی ایللرده گنرال مهماندارووون رهبرلیک ائتدیی آذربایجان اوردوسوندا چوخ مهم وظیفه‌ده چالیشیب، ارمنیلرین قیامینین یاتیریلماسیندا و اونلارین عسگران قالاسیندان، لاچیندان، داغلیق قاراباغدان چیخاریلماسیندا ایشتیراک ائد‌ن حربی حیصه‌نین رهبرلریندن بیری اولوب.

۱۹۶۷-جی ایلده خانکندینده ارمنیلر اهالینین گؤزو قارشیسیندا ارشاد آدلی بیر شخصی و اونونلا بیرگه ۲ نفری ده یاندیراراق قتله یئتیردیکدن سونرا جلیل خودئوله دولت تهلوکسیزلیک کمیته سینین صدری وظیفه‌سینده چالیشان حیدر علیئوین گؤروشو اولوب. داها سونرا ح.علیئوین ایشتیراکی ایله خانکندینده کئچیریلن گئنیش ایجلاسدا ج. خودیئو چیخیش ائدیر، قتلی تؤره‌دن شخصلرین آدلارینی آچیقلاییر، ایجلاسدان سونرا ایسه ۳۹ ارمنی حبس ائدیلیر.

ج. خودیئو ۱۹۸۸-جی ایلده خانکندینده ارمنیلر طرفیندن دیری-دیری یاندیریلیب.

۱۵ مارت ۲۰۰۲-جی ایل تاریخین‌ده آذربایجان رسپوبلیکاسی خوجالی رایون محکمه‌سینین قراری ایله جلیل خودیئوین شهیدلیگی رسمی سندلرله تصدیق اولونوب.

خاطیرلاداق کی، مئک امکداشلارینین چالیشماسی نتیجه‌سین‌ده ویکیپدییادا ۲۰ یانوار و آپرل دؤیوشلری شهیدلری، میللی قهرمانلارا حصر اولونموش صحیفه‌لر یارادیلیب، مختلیف دیللره ترجومه ائدیلیب.

لینکه داخیل اولماقلا، مقاله ایله تانیش اولا بیلرسینیز:

https://az.wikipedia.org/wiki/C%C9%99lil_Xudiyev