الریاض رهبرلیینین آمریکا ایله قیلینج رقصی فونوندا ۱۱۰ میلیارد دوللارلیق سلاح راضیلاشماسینا ایمضا آتماسی هانسی منطیقین نتیجهسیدیر؟!
آخار. آذ خبر وئریر کی، بونو تورکییهنین میللیتچی حرکات پارتییاسینین لیدری دؤولت باخچالی پارتییانین قروپ توپلانتیسیندا چیخیشی زامانی سؤیلهییب.
«الریاض رهبرلیینین آمریکا ایله قیلینج رقصی فونوندا ۱۱۰ میلیارد دوللارلیق سلاح راضیلاشماسینا ایمضا آتماسی هانسی منطیقین نتیجهسیدیر؟ آمریکا لیدرینین «بیزیم اوچون رژیملر اؤنملیدیر» سؤزونون عنوانی هارادیر؟ نفت قویولاریندان دوللار چیخدی، اما اینسانلیق او قویولارا باسدیریلدی. ان پیسی ایسه ایسلامدان ایستیفاده ائدن و مقدس دینیمیزی عمللرینه آلت ائتمهیه چالیشان ترورون وارلیغیدیر. ایسلامی تروردان بحث ائتمک اویدورمادیر.
۲۰۱۰-جو ایلین ۱۷ دئکابریندا تونیسلی ساتیجی محمد عزیزینین اؤزونو یاندیرماسی بوتون شیمالی آفریکا و یاخین شرقین آلووا بورونمهسینه سبب اولدو. نتیجهده اینقیلابلار یاراندی. یاخین شرقده حاضردا اورتاق عقل یوخدور. عقل اولمایان یئرده ایراده ده اولمور. یاخین شرق ایمپریالیزمین هر جور تهدیدینه قارشی آچیق و مدافعهسیز وضعیتدهدیر»، – دئیه او بیلدیریب.