تئز، یا گئج، «کرمل حساباتی»نین مخفی حیصه‌سی درج اولوناجاق.

آخار. آذ خبر وئریر کی، بو سؤزلر روسییالی پولیتولوگ آندری پیونتکووسکینین اوکراینا مطبوعاتیندا درج اولونان مقاله‌سینده یئر آلیب.

«مخفی حیصه‌نین درج ائدیلمه‌سی قاچیلمازدیر. سانکسییالار حاقین‌دا قانونون نئجه قبول ائدیلدیینی خاطیرلایین. ترامپ و تیلرسون ساده‌جه موقتی اولاراق بونون یاییمینی دایاندیرا بیلرلر. بو سندین یاییملانماسیندان سونرا اوکراینادا کیچیک حربی اسکالاسییا کیفایتدیر کی، روسییایا قارشی بو سیاهی اوزره نینکی سانکسییالار تطبیق ائدیلسین، حتی اونون اوچون SWIFT سیستئمی ده سؤندورولسون. اونا گؤره ده موسکوا حاضردا ائسکالاسییا یوخ، بو سانکسییالاردان نئجه جان قورتارماغی دوشونور. موسکوا حتی بیر مدت اؤنجه ولادیسلاو سورکووون یئرینه گریگوری یاولینسکینی آمریکا ایله دانیشیقلارا گؤندرجیی باره‌ده شایعه یایدی. بونون نه قدر حقیقت اولماسینی بیلمیرم، اما بو شایعه‌لر موسکوانین حقیقتا بوندان سونراکی دانیشیقلارا حاضر اولدوغونو گؤستریر».

پیانتکووسکی بیلدیریب کی، موسکوا «کرمل حساباتی»نین آردینجا واشینگتونا اؤز کشفیات رهبرلرینی ده گؤندریب:

«بون‌دان سونرا واشینگتون معلومات یایدی کی، روسییا ایله بیرگه عمومی دوشمنیمیز اولان ایسلام ترورچولارینا قارشی دؤیوشملیگیک. بو، ساده‌جه کیچیک شانتاژ ایدی. موسکوا دئییر کی، سانکسییالار تطبیق ائتسه‌نیز، ایسلام ترورچولاری ایله وضعیتینیز آغیر اولاجاق. گؤرونور، موسکوانین شانتاژی ایشله‌ییب، اما بو موقتی‌دیر»، – دئیه او بیلدیریب.