هله‌لیک روسییا اؤز بیرلیینی قورویوب ساخلایا بیلیر، اما اؤلکه‌ده بیر نئچه رگیون وار کی، بورانین یئرلی الیتاسی طرفدن بؤیوک ریسکلر یارانا بیلر.

آخار. آذ خبر وئریر کی، بونو «اوبوزرئواتئل» سایتینا آچیقلاماسیندا روسییالی ژورنالیست یوگئنی کیسلیوو دئییب. اونون سؤزلرینه گؤره، روسییا اوچون ان بؤیوک پروبلئمی شیمالی قفقاز، پریموریه و اوزاق شرق یارادا بیلر:

«شیمالی قافقاز یئنی‌دن آلوولانا بیلر. روسییانین پریموریه، اوزاق شرق کیمی رگیونلاری ایله نه زامانسا پروبلملر یارانا بیلر. بورانین دا اؤزونه اویغون عنعنه‌سی وار. بیر زامانلار بورادا اوزاق شرق رسپوبلیکاسی مؤوجود اولوب. حاضردا یاپونییاداکی اقتصادی وضعیت اوزاق شرق اینسانی اوچون اوندان مینلرله کیلومتر اوزاق‌دا یئرلشن موسکوادا باش وئرنلردن داها اؤنملیدیر.

تکرار ائدیرم. یئرلی میللتین اکثریت تشکیل ائتدیی بؤیوک موختار رسپوبلیکالاردا گرگینلیک اولا بیلر. بو سیرادا من تاتاریستان و باشقیردیستان، بیر سیرا شیمالی قافقاز رسپوبلیکالارینی گؤرورم. داغیستان‌دا باشلایان میللتلرآراسی فیکیر آیریلیغینین یاتیریلماسینی میللیتجه روس اولان ولادیمیر واسیلیوین گؤندریلمه‌سی ایله ائتمک تصادفی دئییل» – دئیه او بیلدیریب.