آذنیوز. تی وی خبر وئریر کی، آبش پرزیدنتی‌نین میللی تهلوکه‌سیزلیک اوزره موشاویری جون بولتون بازار گونو لوندونا ایکی گونلوک سفره گئدیب و اونون بریتانییا رسمی‌لری ایله مصلحت‌لشمه‌لرینین ایستیقامتلرین‌دن بیری‌نین بو اؤلکه‌نی ایرانا قارشی داها سرت مؤقع نوماییش ائتدیرمه‌یه چاغیرماسی گؤزلنیلیر.

رویترز آگئنت‌لیگی بو باره‌ده معلومات یایاراق خبر وئریر کی، بریتانییا بو ایلین اوکتیابر آیی‌نین سونون‌دا آب-نی ترک ائتمه‌یه حاضیرلاشدیغی بیر واخت‌دا، بیر چوخ دیپلوماتلار بو اؤلکه‌نین آبش-آ داها دا سؤیکنه‌جه‌یینی پروقنوزلاشدیریر.

حاضردا بولتونون برخیت مسئله‌سی ده داخیل اولماقلا لوندون‌دا ایکی گونلوک مصلحت‌لشمهلری ترامپ آدمینیستراسییاسی‌نین بوریس جونسونون رهبرلیک ائتدییی بریتانییا حاکمیتی ایله علاقه‌لری مؤحکم‌لندیرمک اوچون سعی‌لرینی عکس ائتدیریر.

رویترز عینی زامان‌دا یازیر کی، جون بولتونون مصلحت‌لشمه‌لر زامانی بریتانییا رسمی‌لرینی واشینقتونون تهرانا قارشی سیاستینه داها یاخین آددیم آتماسینا تشویق ائده‌جه‌یی گؤزلنیلیر.

آبش حکومتی‌نین یوکسک وظیفه‌لی رسمیسی «رویترز»ا بیلدیریب کی، بولتون دانیشیقلار زامانی لوندونون ایرانلا نووه سازیشینه خیتام وئریلمه‌سینی بیلدیرمکله باغلی مومکون مؤوقعی‌نین ایرانا تضییقلری آرتیرماغا کؤمک ائده‌جه‌یینی اساسلاندیراجاق. لاکین آبش رسمیسی علاوه ائدیب کی، یاخین واختلاردا بئله بیر قرارین قبول ائدیلمه‌سی گؤزلنیلمیر.

قید ائدک کی، ایرانلا نووه سازیشی‌نین باغلانماسی ایله نتیجه‌له‌نن موذاکیره‌لرده ایشتیراک ائد‌ن آوروپانین ایلک اوچ گوجون‌دن بیری اولان بریتانییا بو گونه قدر «هرطرف‌لی بیرگه فعالیت پروقرامی»نی مدافعه ائد‌ن آب-نین مؤوقعینی دستکله‌ییب، لاکین هؤرموز بوغازین‌دا بو اؤلکه‌یه عایید بیر نئفت تانکئری‌نین اله کئچیریلمه‌سی بریتانییا حکومتینه ایرانا قارشی داها سرت مؤقع توتماق اوچون تضییقلری آرتیریب.

ایرانین بو آددیمین‌دان اول بریتانییا دنیز قوه‌لری آی-نین سانک‌سییالارینی پوزماق‌دا و سورییایا یاناجاق قاچاق‌مالچیلیغین‌دادا شوبهه‌لی بیلینه‌رک جبل الطاریق سولارین‌دا ایرانا عایید بیر سوپر نئفت تانکئرینی اله کئچیریب، داها سونرا ایسه بریتانییا آبش-ین تشببوسو ایله و تیجارت گمیلرینی قوروماق مقصدیله حاضرلانان فارس کؤرفزین‌ده «دنیز تهلوکه‌سیزلیگی پلانی»نا قوشولوب.