ایران بنیامین نتانیاهونون ایوردانییا وادیسی ایله باغلی آچیقلاماسینا رئاکسییا گؤستریب
آخار. آذ خبر وئریر کی، ایرانین خاریجی ایشلر ناظرلیگی ایسرایلین باش ناظری بینیامین نتانیاهونون ایشغال آلتین‌داکی ایوردان چایینین غرب ساحلین‌ده یئرلشن ایوردانییا وادیسی ایله باغلی آچیقلاماسینا رئاکسییا گؤستریب.

ایران خاریجی ایشلر ناظیرلیینین مطبوعات کاتیبی عباس موسوی وئردیی یازیلی آچیقلامادا بینیامین نتانیاهونون سنتیابرین ۱۷-ده کئچیریله‌جک سئچکیلرده غلبه قازاناجاغی تقدیرده ایوردانییا وادیسینی کؤچوره‌جکلری ایله باغلی آچیقلاماسینی قیمتلندیریب.

ایرانین بینیامین نتانیاهونون وئردیی آچیقلامانی پیسلدیینی بیلدیره‌ن عباس موسوی بعضی عرب دؤولتلرینی نتانیاهو ایله متفیق اولماق‌دا گناهلاندیردی و بو سیاستینی حیاتا کئچیرمک اوچون ایسرایله ایمکان وئردیینی سؤیله‌ییب.

ایران خاریجی ایشلر ناظیرلیینین مطبوعات کاتیبی ایسلام امکداشلیق تشکیلاتینین سنتیابرین ۱۵-ده مومکون نؤوبدن‌کنار توپلانتی‌سی ایله باغلی اؤلکه‌سینین ایسرایلین فیلیسطین‌ده تؤرتدیی هجوملارین قارشی‌سینین آلینماسی اوچون ایسلام اؤلکه‌لری طرفین‌دن آتیلاجاق هر بیر آددیمی دستکلیجیینی ایفاده ائدیب.

قید ائدک کی، بینیامین نتانیاهو سنتیابرین ۱۷-ده باش توتاجاق نؤوبدن‌کنار شئچکیلردن اول کئچیردیی مطبوعات کنفران‌سین‌دا یئنی‌دن باش ناظر سئچیلجیی تقدیرده ایوردان چایینین غرب ساحلین‌ده یئرلشه‌ن ایوردانییا وادیسینی کؤچورولجیینی وورغولامیشدی.