افقانیستان تورکلرینین لیدئری، کئچمیش میللت وکیلی عبدولکریم مخدوم ۷۷ یاشین‌دا وفات ائدیب.

مرحومون اوغلو محمد صادق مخدوم آتاسینین اوزون مدت‌دیر خسته‌لیگی سببی ایله تورکییه‌ده معالیجه آلدیغینی،قیسا مدت اول اؤلکه‌یه گئری دؤندویونو، جوزجان ویلایتینین قیزیلایاق کندین‌ده وفات ائتدیینی بیلدیریب.

مخدومون جنازه‌سی بو گون گونورتادان سونرا کندده‌کی عائله قبیریستانلیغین‌دا دفن ائدیله‌جک.

قید ائدک کی، عبدولکریم مخدوم ۱۹۴۲-جی ایلده افغانیستانین جوزجان ایالتینین قیزیلایاق کندین‌ده دوغولوب. او، ۲۶ یاشین‌دا افغانیستانین پارلامنت عضوو اولوب. ایکی دؤنم مجلیس عضوو اولاراق چالیشان مخدوم افغانیستان‌داکی مکتبلرده تورک دیلین‌ده تحصیل، افغانیستان میللی رادیوسون‌دا تورکمن و اؤزبک دیللرین‌ده ایکی ساعت یاییم پراگرام حاضرلانماسینی تعمین ائدیب. اؤلکه‌ده موختلیف تورک طایفالارینین بیرلیکده ایشتیراک ائتدیی «ارکین تورکیستان» آدین‌دا بیر تورک پارتییاسینین قورولماسینا لیدرلیک ائد‌ن مخدوم، ۱۹۷۸-جی ایلده تورکییه‌یه کؤچوب. او، ۱۹۸۲-جی ایلده ۴ مین ۵۰۰ تورک اصیل‌لی افغان مهاجیرین تورکییه‌یه گلمه‌سینی تعمین ائدیب.