زنجان طب اونیورسیتتینین رکتورو پرویز قیزیلباش «مووج رسا» سایتینا آچیقلاماسین‌دا ائکولوژی ضررلی صنایع موسسه‌لرینین ساغلام‌لیغی دستکله‌مه‌سی حاقین‌دا قانونا توخوناراق دئییب: «قانونلا، سیگارئت صنایع‌سی کیمی همین قانونلا احاطه اولونان ساحه‌لر قازانجینین بیر حیصه‌سینی ساغلام‌لیق سکتورونا ووردوغو ضرره گؤره کمپنساسییا اولاراق اؤد‌مه‌لیدیر».

او، صحییه سکتورونا آیریلمالی اولان گلیرین بیر حیصه‌سینه توخوناراق بیلدیریب: بو وسایتلر صحییه ناظیرلیینین حسابینا کؤچورولور، ناظرلیک ایسه همین وسایتی ویلایتلر سوییه‌سین‌ده پایلاییر.

زنجان طب علملری اونیورسیتتینین رکتورو بوتون صنایع موسسه‌لرینین گلیرلرینین یوزده بیرینین صییه سکتورونا آیریلدیغینی قید ائد‌رک دئییب: «تأسف کی، بیلدییم قدر، بیزه هئچ بیر وسایت گلیب چاتماییب».

ناظرلیک سوییه‌سین‌ده وسایتلرین ویلایتلره آیریلمادیغینی دئیه‌ن رکتور علاوه ائدیب: «ناظرلیک طرفین‌دن پایلانمایان بوتون بو وسایتلر صحییه سئکتورو اوچون آیریلمالی‌دیر».