آنا صحیفه پلانت |
بو ایلین ایلک ۱۰ آیی عرضینده آذربایجانا دونیانین ۱۹۲ اؤلکهسیندن ۲ میلیون ۶۸۲،۴ مین اجنبی و وطنداشلیغی اولمایان شخص گلیب.
آچیقلانان رسمی معلوماتلارا ایستینادا بیلدیریر کی، خاریجی اؤلکهلره سفر ائدن آذربایجان وطنداشلارینین سایی آذربایجانا گلن اجنبیلرین ساییندان تخمیناً ۲ دفعه یاخین چوخ اولوب. بئله کی، بو ایلین ایلک ۱۰ آیی عرضینده خاریجی اؤلکهلره گئدن آذربایجان وطنداشلارینین سایی ۴ میلیون ۶۵۳،۹ مین نفره چاتیب. اؤتن ایلین عینی دؤورو ایله مقاییسهده خاریجی اؤلکهلره سفر ائدن آذربایجان وطنداشلارینین سایی ۱۵،۹% و یا ۶۳۹،۳ مین نفر آرتیب.
آذربایجان وطنداشلاری ان چوخ ایرانا سفر ائدیبلر. خاریجی اؤلکهلره گئدن آذربایجان وطنداشلارینین ۳۱،۵%-ی و یا ۱ میلیون ۴۶۶ مین نفری ایرانین پایینا دوشوب. ایرانا سفر ائدن آذربایجان وطنداشلارینین سایی ۲۰۱۸-جی ایلین آنالوژی دؤورو ایله مقاییسهده ۱۳،۴% و یا ۱۷۳،۲ مین نفر آرتیب.
معلومات اوچون بیلدیرک کی، آذربایجان وطنداشلاری ایرانا داها چوخ اقتصادی چؤکوشدن اوجوزلاشان ماللارین آلیش-وئریشی اوچون گئدیرلر. بو ایلین ایلک ۹ آیی عرضینده ایرانا گئدن ۱ میلیون ۵۶ مین نفر آذربایجان وطنداشینین ۳۰%-ی و یا ۳۱۵ مین نفری ماغازالارا باش چکمک مقصدیله ایرانا سفر ائدیب. بوندان باشقا ایلین ایلک ۹ آییندا ۱۹۲،۲ مین آذربایجان وطنداشی استراحت اوچون، ۱۶۸ مین نفر ایسه دینی زیارت اوچون ایرانا گئدیب.
تاریخ
2019.11.22 / 16:37
|
مولف
Axar.az
|