بعضی بؤلگه‌لرده فارس دیلینی اوخویان، اما لازیمی دیل بیلیکلرینه صاحب اولمایان شاگیردلریمیز وار.

بو سؤزلری تحصیل ناظیرلیینین ایبتیدای تحصیل ایداره‌سینین رئیس معاوینی ریضوان حاکم‌زاده دئییب.

«فارس‌دیللی اولمایان بؤلگه‌لرده فارس دیلینین تدریسی پروبلملری ایله باغلی دیل بیلیکلرینی و دیل قابیلیتلرینی آرتیرماق اوچون مکتبدن اؤنجه اوشاقلاری حاضرلایا بیلمک چوخ واجیب‌دیر. بو مؤوضوع‌دا ان یاخشی پلاتفورمالاردان بیری مکتبه‌قدردیر. چونکی هله جدی تحصیل کورسونا داخیل اولمامیشیق. بونو جدی شکیل‌ده ایزلییریک و تدقیقات تشکیلاتی ایله بیرلیک‌ده مکتب‌دن اؤنجه اوشاقلارین دیل بیلیکلرینی آرتیرماق اوچون بیر پروگرام باشلاماق نیتیندییک»، حاکم‌زاده بیلدیریب.

او، دؤرد و بئشینجی صینیفلرده اوخویان، لاکین فارس دیلینی بیلمه‌یه‌ن ایکیدیللی شاگیردلر حاقین‌دا وئریله‌ن سوالی دا جوابلاندیریب:

«تأسف کی، فارس دیلی شاگیردلرین تدریس پروگرامینا داخیل اولا بیلمدیکده اونلار آکادمیک اوغور الده ائتمه قابیلیتینی ایتیریرلر. بعضی بؤلگه‌لرده اوشاقلارین مکتبه گئتمه‌سینه باخمایاراق فارس دیلینی آنلاماق اوچون لازیمی دیل بیلیکلرینه صاحب اولمایان شاگیردلریمیز وار. اونلارین مکتب‌دن قاچماق و درس اوخوماماق کیمی ده تهلوکه‌سی وار. بونا گؤره ۱۰۰ فایز فارس‌دیللی اولمایان اراضی‌ده مکتب‌دن اؤنجه موسسه‌لر گؤسترسه، بیر چوخ پروبلم حل ائدیله‌جک. مکتب‌دن اؤنجه تحصیلین اورتا سوییه‌سی اؤلکه‌ده اورتالاما ۷۴ فایز، خوزیستان‌دا ۱۰۰ فایز، سیستان و بلوچیستان ۸۶ فایز، شیمالی خوراسان‌دا ۹۲، ایلامدا ایسه ۹۰ فایزدن یوکسک‌دیر».