آنا صحیفه پلانت |
ایران جنوبی کورئیانین بؤلگهیه حربی گمی گؤندرمهسینی قیناییب: «جنوبی کورئیا مدافعه ناظرلیگی فارس کؤرفزینین آدینی بئله بیلمیر، هانسی اساسلا رگیونا حربی قوه گؤندریر؟!»
آخار. آذ خبر وئریر کی، بونو ایرانین خاریجی ایشلر ناظیرلیینین سؤزچوسو سید عباس موسوی دئییب.
سید عباس موسوی رسمی twitter صحیفهسی واسطهسیله جنوبی کورئیانین هؤرموزه حربی گمی گؤندرمهسینه بئله مناسیبت بیلدیریب:
«جنوبی کورئیا بیزه معلومات وئریب کی، عدن سولاریندا اولان دنیز دونانماسینین بیر قیسمینی آمریکا کوالیسییاسیندان کناردا پوست پاترول و نظارت مقصدیله بؤلگهده یئرلشدیرهجک. بیز ده بیلدیردیک کی، بو قبول ائدیلمزدیر. بیلدیردیک کی، بو آددیم آمریکانین آوانتوریست آددیملاری ایستیقامتینده آتیلیب و ایرانلا جنوبی کورئیانین دایمی علاقهلرینه یاراشمیر.»
قید ائدک کی، جنوبی-کورئیانین مدافعه ناظرلیگی بیانات وئریب کی، ۳۰۰ حربچیدن عبارت بیر حربی گمی هؤرموزه گؤندریلهجک.
بیاناتدا علاوه ائدیلیب کی، بو گمی آمریکا دنیز دونانماسینین فعالیت پروقرامینا داخیل دئییل، لاکین معلوماتلارین مبادیلهسینده کووردیناسییا آپاریلاجاق.
آمریکا اؤتن هفته رسمی شکیلده جنوبی کورئیادان سؤزوگئدن آددیمین آتیلماسینی طلب ائتمیشدی.
تاریخ
2020.01.22 / 19:28
|
مولف
Axar.az
|