مونهن کنفرانسی چرچیوه‌سین‌ده کانادا، اوکراینا و افقانیستان خاریجی ایشلر وزیرلری، ایسوئچ مدافعه ناظری و اینگیلتره خاریجی ایشلر ناظیرلیینین یوکسک وظیفه‌لی بیر نماینده‌سینین اورتاق گؤروشو کئچیریلیب.

اونلار ایران‌دا وورولان اوکراینا طیاره‌سینین قارا قوتوسونون باشقا بیر اؤلکه‌ده اوخونماق اوچون گؤندریلمه‌سینی طلب ائد‌ن بیانات وئریبلر.

بیلدیریلیب کی، تهران، حادثه ایله باغلی آچیق قالان چوخلو سواللارا جواب وئرمه‌لی‌دیر. ایران بین الخالق راضیلاشماداکی عهدلیینی یئرینه یئتیرمه‌لی، عدالت و شفاف‌لیق پرینسیپلرینی پوزماغی بیر کنارا قویمالی‌دیر. بئش اؤلکه‌نین نماینده‌لری طیاره‌ده هلاک اولان سرنیشینلرین عائله‌لرینه درحال تضمینات اؤدمیی ده طلب ائدیب. کانادانین خاریجی ایشلر ناظری فرانسوا-فیلیپ شامپان آچیقلاما وئریب.

«ایرانین بین الخالق ایستاندارتلارا اویغون اولاراق تعجیلی فاجعه قوربانلارینین عائله‌لرینه تضمینات اؤد‌مه‌سینی ایسرار ائدیریک» – دئیه‌ن ناظر بیلدیریب کی، تضمیناتین میقداری هر کس اوچون عینی اولمالی‌دیر و اؤدنیش پروسسی ان قیسا زامان‌دا باشلامالیدیر».