ایرانین گیلان ایالتین‌ده سون گونلر قادینلارا قارشی آرد-آردا ایکینجی دهشت‌لی جینایت حادثه‌سی باش وئریب.

آخار. آذ خبر وئریر کی، بو دفعه رشت شهرین‌ده قارداشین ائوی یاندیرماسی نتیجه‌سین‌ده ایچریده دیری-دیری یاناراق آغیر خسارتلر آلان ۱۸ یاش‌لی باجی‌سی خسته‌خانایا چاتدیریلدیق‌دان بیر مدت سونرا اؤلوب.

بو باره‌ده معلومات یایان گیلان ایالتینین پلیس ریسینین معاوینی مجید رسول‌زاده فرشاد حادثه‌نین قیسقانج‌لیق زمینین‌ده باش وئردیینی دئییب. بئله کی، قارداش باجی‌سینین سئودیی آداملا ائوله‌نمه‌سینه قارشی اولوب. لاکین بونو انگلله‌یه بیلمه‌ییب. بونا گؤره او، باجی‌سی و سئودیی شخصین آتاسی ائوین‌ده اولدوغونو اؤیرندیکدن سونرا اورا گئدیب و ائوی یاندیریب. نتیجه‌ده ۱۸ یاش‌لی همین قیز و سئودیی کیشی آغیر یانیق خسارتلری ایله خسته‌خانایا چاتدیریلیبلار.