بیر هفته اول شرقی آذربایجان ایالتینین مرند-جولفا ماگیسترال یولون‌دا باش وئرمیش آوتومبیل قزاسین‌دا کومایا دوشه‌رک بیین اؤلومونه دوچار اولموش ۱۲ یاش‌لی تبریزلی قیزین (موبینا) بدن اورگانلاری عائله‌سینین راضی‌لیغی ایله احتیاجی اولان ۵ خسته‌یه حیات بخش ائدیب.

آخار. آذ خبر وئریر کی، مایین ۲۹-دا تبریزین امام رضا خسته‌خاناسین‌دا ۱۰ جراحین بیرگه کئچیردیی عملیات‌دا، موبینانین بدنینین بئش اورگانی، او جمله‌دن اوریی، بؤیرکلری و قاراجیری بدن‌دن آیریلاراق شیراز و تهران‌دا احتیاجی اولان ۵ خسته‌یه کؤچورولوب.

بیلدیریلیر کی، موبینانین اوریی تهران‌دا ۲۱ یاش‌لی خسته بیر قیزا کؤچورولوب. بونونلا دا، ۱۲ یاش‌لی تبریزلی قیزین بدن اورگانلارینین احتیاجی اولان خسته‌لره باغیشلانماسی ۵ اینسانین حیاتینی خلاص ائدیب.

خاطیرلاداق کی، مایین ۲۲-ده مرند-جولفا ماگیسترال یولون‌دا موبینانین آتاسینین ایداره ائتدیی «سوناتا» تیپ‌لی آوتومبیل باشقا بیر مینیک آوتومبیلی ایله توققوشوب. حادثه نتیجه‌سین‌ده موبینانین آتاسی یئرین‌ده‌جه کئچینیب، اؤزو ایسه بیین اؤلومونه سبب اولوب. قزادا ۶ نفر ده موختلیف درجه‌لی بدن خسارتی آلیب.