اوکراینا ایله حل ائدیجی دؤیوشه حاضیرلاشان پوتین روسییاسینین قوه‌لرینی پارچالاماق و رسورسلارینی دیگر جبهه‌لره یؤنلدیب توکندیرمک مقصدیله غرب روسییا اوچون حیاتی اهمیت‌لی داها ایکی دهلیز-رگیون‌دا – جنوبی قفقازدا و اورتا آسییادا دا وضعیتی گرگینلشدیرمک خطی سئچیب.

Axar.az خبر وئریر کی، بو سؤزلری پولیتولوگ الخان شوکورلو بیلدیریب.

اونون فیکرینجه، پاشینیان ارمنیستانینی آذربایجانلا صولح سازیشیندن یاییندیرماغا و ان آزیندان، تورکییه‌ده‌کی ۱۴ مای سچکیلرینین نتیجه‌سی معلوم اولانادک اوزاتماغا چالیشان غرب مؤقعلرینین هله گوجلو اولدوغو داها بیر جنوبی قفقاز رسپوبلیکاسین‌دا - گرجستان‌دا دا اجتماعی اعتراضلارین اساس کؤروکلییجیسی و تحریک‌چی‌سی کیمی چیخیش ائدیر:

"چونکی غرب‌ده یاخشی بیلیرلر کی، قاریباشویلی حکومتی حاضردا اعتراضلارین اساس سببی کیمی گؤستریلن «خاریجی آگنتلر حاقیندا» آدلاندیریلان قانونون قبولونا نایل اولارسا، بو، غرب خصوصی خیدمت قوروملارینین گورجوستان اوزریندن دیگر یاخین اؤلکه‌لره راحت چیخیش ایمکانلارینی خیلی محدودلاش‌دیراجاق.

حاضردا اجتماعی اعتراضلارین گئنیشلندیریلمه‌سی یولویلا قرب، بیر طرف‌دن، بو قانونون قبولونو انگلله‌مه‌یه چالیشیرسا، او بیری طرف‌دن ده آکسییالارین روسییا ایله قارشی‌دورمادان یایینان و روسییا علیهینه سانکسییالارا قوشولمایان قاریباشویلی حکومتینین دئوریلمسینه‌دک اینکیشافیندا، روسییانین قولاغینین دیبینده داها بیر تونقالین آلوولانماسیندا آشکار ماراقلی گؤرونور".

پولیتولوگ خاطیرلادیب کی، مونحن کنفرانسین‌دا ایلک دفعه اولاراق کئچیریلن آذربایجان، گرجستان و ارمنیستان تمثیلچیلرینین گؤروشونده آپاریجینین پرزیدنت علیئوه، باش ناظر قاریباشویلییه و باش ناظر پاشینیانا عنوانلادیغی، جواب آلماغا چالیشدیغی اساس سوال محض روسییا-اوکراینا ساواشینا طرفلرین مؤوقعی ایدی:

"قاریباشویلی جوابین‌دا آچیق شکیلده غربی سوچلایاراق، اونلاری ایندی اوکراینایا وئردیکلری قدر دستک وئرمه‌مکده قینامیش و آردینجا دا خصوصی وورغولامیشدی کی، اراضیلرینین روسییا طرفیندن ایشغالینا باخمایاراق، اونلار پروبلمین یالنیز صولحله حلینه طرفداردیلار. یعنی روسییایا قارشی یئنی جبهه‌نین گرجستان‌دان آچیلماسینی ایستمیرلر.

غربه ایسه رگیون‌دا صولح یوخ، روسییا ایله دؤیوشه بیله‌جک یئنی «سووئت رسپوبلیکاسی»، یئنی قاینار جبهه گرکدیر..."