آذربایجان اردوسونون ۱۹ سنتیابردا ۲۴ ساعت‌لیق آنتی‌ترور عملیاتیندان سونرا تسلیم اولان و سلاحلاری تحویل وئرمه‌یه راضیلاشان ارمنی سپارات‌چی دسته‌سینین بیر چوخ عضوونون سلاحلاری اؤزلری ایله ارمنیستانا آپاردیغی اوزه چیخماقدادیر.

Axar.az خبر وئریر کی، بو باره‌ده ارمنیستان مدیاسینین یایدیغی معلوماتدا بیلدیریلیر.

بو گون داها بیر ساکن پلیسه قاپالی نمره‌دن زنگ ائد‌رک، «سنتیابر آیندا قاراباغ‌دان گتیردیی سلاحی» تحویل وئرمک ایستدیینی بیلدیریب. او، اچمیدزین اراضی‌سینده سلاحی قویدوغو یئری تصویر ائدیب و دستیی آسیب.

پلیس امکداشلاری ارمنی ساکنین دئدیی یئردن بیر عدد «کالاشنیکوو» آوتوماتی، ۸۳ عدد مختلف چاپلی گوله، ۱ عدد داراق آشکار ائدیبلر.

ارمنیستان پلیسی کؤنوللو تحویل وئریله‌ن سلاح-سورساتا گؤره جنایت ایشی آچیلمادیغینی بیر داها اعلان ائدیب.

قید ائدک کی، آنتی‌ترور تدبیرلریندن سونرا ارمنیستانا گئدن ارمنیلرین بو سلاحلاری «لاچین» پستوندان نئجه کئچیره بیلدیی حاقدا هئچ بیر تصور یوخدور.