ایروانین بیر و یا بیر نئچه غرب اؤلکه‌سی ایله آشکار یاخینلاشماسی آذربایجانلا ارمنیستان آراسین‌دا ضدیتلرین کسکینلشمه‌سینه گتیریب چیخارا بیلر. ائله ایرانلا مناسیبتلر ده یئنی‌دن گرگینلشه بیلر.

Axar.az خبر وئریر کی، بو سؤزلری تانینمیش روسییالی ژورنالیست و اجتماعی خادم ماکسیم شوچنکو دئییب.

او بیلدیریب کی، اگر دموکراتییانین انکشافی، نقلیات مارشروتلاری و س. شعارلار آلتیندا گلن غرب فاکتورو وارسا، او زامان محاربه تهلوکه‌سی ده آرتیر:

«معین شرطلر آلتین‌دا ایرانلا آذربایجان آراسیندا مناقیشه‌نین اولماسی دا استثنا دئییل. روسییا ایسه بوتون بو وضعیت‌دن کنار دایاناجاق. عینی زاماندا، ایران روسییانین رگیون‌دا آپاریجی ایستراتژی طرفداشیدیر، روسییایا سلاح تداروک ائدیر، فلسطین مقاومتینی دستکلییر، غربین دقت و قوه‌لرینین اهمیتلی حیصه‌سینی اؤز اوزرینه جلب ائدیر و س.

ارمنیستانین اساس حیمایه‌داری روسییا دئییل، ایراندیر. و محض تهران هم زنگزور دهلیزینه (ارمنیستان اراضی‌سیندن کئچن - رئد.)، هم ده باکی ایله ایروان آراسین‌دا صلح مقاویله‌سینه قارشی چیخیر و حساب ائدیر کی، بو، اونون ماراقلارینا اویغون دئییل. فرانسا ایسه ایرانین طرفداشیدیر و پاریس ده تورک مکانینی بیرلشدیره‌ن دهلیزین یارانماسینین علیهینه‌دیر.

آمریکا اؤز نوبه‌سین‌ده، ساده‌جه اولاراق، جنوبی قفقاز رگیونوندا موجودلوغونو نماییش ائتدیرمک و گئوسییاسی هگمون اولاراق قالدیغینی گؤسترمک ایستییر».