آنا صحیفه پلانت |
قازاخیستان پرزیدنتینین ارمنیستانا بو سفرینده آشکار واسطهچیلیک میسیاسی وار. قاسیم-ژومارت توکایئو ایروانا دانیشماق اوچون گلیب. بو دانیشیقلار تکجه ارمنیستان-قازاخیستان دئییل، هم ده ارمنیستان-آذربایجان مناسبتلری حاقیندادیر.
Axar.az خبر وئریر کی، بونو روسیا بینالخالق مناسبتلر شوراسینین اکسپرتی آلکسی ناوموو مدیایا آچیقلاماسیندا دئییب.
او وورغولاییب کی، قازاخیستان اؤزونو رگیوندا یئنی صلحمراملی قوه اعلان ائتمهیه چالیشیر:
«توکایئوین سفری بؤیوک ماراق دوغورور، چونکی بیر آی اول، مارتین ۱۱-ده قازاخیستان پرزیدنتی آذربایجانا سفر ائدیب، اورادا پرزیدنت ایلهام علیئوله دانیشیقلار آپاریب. بیر آی سونرا توکایئو ایروانا اوچورسا، او زمان بئله نتیجهیه گله بیلریک کی، آستانا ان آزی اؤزونو رگیوندا یئنی صلحمراملی قوه اعلان ائتمهیه چالیشیر. بو قوه پستسووئت مکانیندا یئرلشهن قوهدیر، کنار قوه دئییل»، - ناوموو بیلدیریب.
اکسپرت حساب ائدیر کی، دانیشاقلاردا گلوبال آمبیسییاسی اولمایان اؤلکه استاتوسونا قازاخیستان تام اویغون گلیر و بو گؤروش اهمیتلی اولا بیلر:
«بیز آذربایجاندان تئز-تئز ائشیدیریک کی، ایلک نوبهده، تکبهتک دیالوگ لازمدیر و آوروپا بیرلیی و آمریکا کیمی بؤیوک گوجلر نظاملانمایا جلب ائدیلمهمهلیدیر. جناب توکایئو صلحمراملی رولونو اویناماغا چالیشیر، کوبود دئسک، گلوبال آمبیسییالاری اولمایان، عینی زماندا اؤزونو بینالخالق پروسسین مهم اشتراکچیسی حساب ائدن اورتا سویهلی دولتی تمثیل ائدیر».
ناوموو وورغولاییر کی، توکایئو بؤیوک احتماللا پاشینیانی غرب موقعییندن دؤندرمهیه ده جهد ائده بیلر:
«حاضردا قازاخیستاندا طبیعت حادثهلری ایله باغلی وضعیتین چتین اولدوغونو و قاسیم-ژومارت توکایئوین باکییا سفریندن بیر آی سونرا هله ده ارمنیستانا گئتمهیه واخت تاپدیغینی نظره آلساق، بو، اونون طرفیندن کفایت قدر گوجلو بیاناتدیر. عمومیتله، قازاخیستان آذربایجانپرست مؤقعلی اؤلکه کیمی تانینیر، اونلار تورک دولتلری تشکیلاتینین عضوودورلر، آستانا آذربایجانین قاراباغ اقتصادی رایونونون برپاسیندا اشتراک ائدیر، اونا گؤره ده امید ائدیرم کی، توکایئو نیکول پاشینیانی اؤز موقعیینی دییشمهیه تشویق ائده بیلهجک. اونون غربیؤنوملو سیاستی داها چوخ رگیونا میللی اولاجاق، بو، عمومیتله، هم رگیون، هم ارمنیستانین اؤزو، هم ده قازاخیستان اوچون فایدالیدیر».
تاریخ
2024.04.15 / 18:56
|
مولف
ووساله ایسگندرووا
|