بو گون، ایستاتیستیکایا گؤره، مرمی و سورساتلا باغلی ۱:۱۰ نیسبتیمیز وار: بونو بیزه وئرمیرلر. وضعیت پیسدیر: بیزیم مباریزه آپاراجاق هئچ نییمیز یوخدور، غرب ایسه بالالاییر، اونا گؤره ده بو باره‌ده پیس فکرلشیرم. ساده دیلله دئسک، یا غرب بیزی دانیشیقلار ماساسینا اوتورماغا سؤوق ائدیر، یا دا غربین روسییا ایله «قیرمیزی خطلر»له باغلی هانسیسا راضیلاشماسی وار.

Axar.az خبر وئریر کی، بو سؤزلری تانینمیش اوکراینالی ژورنالیست دمیتری قوردون دئییب.

او، ۲۰۲۴-جو ایلده اوکراینادا محاربه‌نین بیتجیی باره‌ده پروگنوزونو بیر داها تکرارلاییب:

«اینانیرام کی، بو ایل محاربه باشا چاتاجاق. من بیر شئی بیلیرم، اما سیزه دئمه‌یه‌جه‌یه‌م: بو منه عایید معلومات دئییل، اونو دئمه‌یه حاقیم یوخ‌دور.

سیزه بیر ایپ اوجو وئره بیلره‌م. بیزی قورخودورلار کی، پوتینین تئزلیکله یئنی هجوما باشلایاجاق. بلی، او باشلایاجاق، البته باشلایاجاق. طبیعی کی، او، تورپاغین قوروماسینا قدر گؤزله‌یه‌جک، قوشونلاری حاضردیر و خارکوو، سلاویانسک و کراماتورسکا هجوم ائتمک ایستییر. سیزه دئییم کی، ایول آیینا قدر محاربه‌نین بوتون گئدیشاتینی دییشدیره‌جک چوخ جدی بیر حادثه باش وئره‌جک. بودور، داها هئچ نه دئمه‌یه‌جه‌یه‌م».