روسلار خارکوو ویلایتینه هجوما حاضیرلاشیر.

Axar.az خبر وئریر کی، بو باره‌ده اوکراینانین ۹۲-جی مکانیکلشدیریلمیش پیادا بریگاداسینین کوماندیری ایوان سیرکو پاول فدوسنکو «اکونومیست»ه مصاحیبه‌سین‌ده بیلدیریب.

اونون سؤزلرینه گؤره، روسییا مایین اورتالاریندا خارکوو ویلایتینه هجوم ائد‌جک. ایندی ۵۰ مینلیک روس اوردوسو سرحد یاخینلیغیندا جمعله‌شیب:

"سسناریلردن بیری کیئوه گئدن اساس یولو کسه‌رک شهری تجرید ائتمک‌دیر. دیگر واریانت ایسه تخمیناً ۱۰ کیلومتر یاخینلاشماق، شهرین شرق کنارینی آرتیللئرییا مسافه‌سی داخیلینده قویماق و اوکراینانین پیلوت‌سوز طییاره‌لرینین هجوملارینا معروض قالان روسییانین بلگورود شهرینی قوروماق اوچون بوفئر زوناسی یاراتماقدیر".

او، همچینین قید ائدیب کی، روسلارین دونتسک ویلایتینین بوتون اراضی‌سینی اشغال ائتمه احتیمالی ۷۰% تشکیل ائدیر.

«هر کس بیلیر کی، بیز کونستانتینووکا و دروژکووکا اوغروندا دؤیوشمه‌سه‌ک، روس قوشونلاری بیر نئچه هفته‌دن سونرا دنپرده، خارکوودا، کریووی روقدا اولاجاق».

او وورغولاییب کی، چاسوو یار اوغروندا دؤیوشلرین مقصدی روسییانین ایر‌لیله‌مه‌سینه و اساس شهرلری توتماسینا مانع اولماقدیر. عینی زاماندا، دونباس‌دا اشغال‌چیلارین لنگیمه‌سی حل‌ائدیجی اهمیت کسب ائدیر.