ارمنیستانین باش ناظری نیکول پاشینیان باکی ایله ایروان آراسین‌دا سرحدین بیر حیصه‌سینین دلیمیتاسییاسینا دایر پروتوکولون امضالانماسینی بؤیوک اوغور آدلاندیریب.

Axar.az خبر وئریر کی، او، بو باره‌ده ارمنیستان حکومتینین اجلاسین‌دا دئییب.

«پروتوکولون ارمنیستان و آذربایجان کومیسییالاری طرفیندن امضالانماسینی بؤیوک اوغور حساب ائدیره‌م. ایلک دفعه‌دیر کی، دلیمیتاسییا اولونموش سرحدیمیز وار. بو، سوورنلییمیزین تمل داشی‌دیر، تهلوکه‌سیزلیک سوییه‌سی یوکسه‌له‌جک»،- پاشینیان بیلدیریب.

باش ناظر دلیمیتاسییانین سسری سلاح‌لی قوه‌لری باش قرارگاهینین ۱۹۷۶-جی ایل توپوگرافیک خریطه‌سینه اویغون اولاراق آپاریلماسینین واجیبلیینی قید ائدیب:

«بو، اسکالاسییا و حربی مناقیشه‌لرین باش وئرمه احتمالینی اهمیتلی درجه‌ده آزالدیر».