ایرانین اسرائیله جواب ضربه‌سینی نویابرین ۵-ده کئچیریله‌جک آمریکا پرزیدنت سئچکیلرینه قدر ائندیرجیی حاقدا معلوماتلار یاییلیب. آمریکا و اسرائیل مدیاسینین تیراژلادیغی بو اینفورماسییا ایرانی ممکون هجوم‌دان چکیندیرمک، یاخود تاخیره سالماغا مجبور ائتمک مقصدی ده داشییا بیلر. چونکی سئچکییه گونلر قالمیش اسرائیله هجوم تل-اویوین تهرانا قارشی آددیملارینی ماکسیموم محدودلاشدیرماغا چالیشان آمریکا-نین موجود آدمینیستراسییاسی اوچون فورس-ماژور سیتواسییا یارادا، یهودی اجماعسینین سئچیمینه تأثیره ائده بیله‌جک عاملدیر.

لاکن ایرانین آمریکا سئچکیلرینه قدر اسرائیله جواب ضربه‌سی ائندیرمک پلانینین دوغرولوغو دا استثنا ائدیلمه‌مه‌لیدیر.

ایران اسرائیلین ۲۶ اوکتیابر هجومونا جوابین وئریلجیی مساژینی دینی لیدر خامنه‌ای و پرزیدنت پزشکیان سوییه‌سینده اعلان ائدیب. ایرانین ۱ اوکتیابر و ۲۶ اوکتیابر هجوملاری آراسیندا برابرلیک قویاجاغی احتمالی دا آزدیر، چونکی اسرائیلین «مقاومت اوخو»نا قارشی عملیاتلاری داوام ائدیر، تل-اویوله بیرباشا محاربه‌دن قاچان تهرانین «حساب برابرلشدی» یاناشماسی ایله گئری چکیلمه‌سی ایلک نوبه‌ده پروکسی قوه‌لری اوزرینده‌کی تأثیر امکانلارینا ضرر یئتیره بیلر. بو باخیمدان، «دانیشیلمیش دؤیوش» سوییه‌سین‌ده اولسا بئله، ایرانین نسه ائدجیی گؤزلنتیسی چوخ‌دور.

و بو هجومون محض آمریکا-دا پرزیدنت سئچکیلرینه قدر ائده بیلجیینی شرطله‌ندیرن عامللر وار. بایدن آدمینیستراسییاسینین ایران-اسرائیل قارشیدورماسیندا وضعیتی نظارتده ساخلاماسی گئنیش‌مقیاسلی محاربه ایسته‌مه‌یه‌ن تهرانین دا ماراقلارینا اویغوندور. سئچکیلرده آنتی‌ایران موقعیی ایله تانینان ترامپین ممکون غلبه‌سی ایسه اسرائیله «جواب ضربه‌سی»نین ریسکلرینی بؤیوده، حتی ممکونسوز ائده، همچنین واشینگتون‌دا یئنی آدمینیستراسییانین دستیی ایله تهرانا مداخله سسناریلرینی بئله گوندمه گتیره بیلر. بو باخیم‌دان اسرائیله جواب ضربه‌سینین سئچکییه قدر – آغ ائوده دییشیکلیک اولمادان ائندیریلمه‌سی ایران اوچون داها صرفه‌لی گؤرونور.