ایران چین و روسییا ایله بیرلیکده کانادا اوچون اساس کیبئر تهدید ساییلیر و و بو اؤلکه‌نین تهدیدلری اورتا شرق‌دن قیراغا چیخاراق غرب اؤلکه‌لرینی ده هدف آلیب.

Axar.az خبر وئریر کی، بو باره‌ده کانادا حکومتینین یایدیغی حسابات‌دا دئییلیب.

"ایران رژیمین رقیبلرینی کیبرمکان واسطه‌سیله ایزله‌مک و اونلارا نظارت ائتمک اوچون داواملی سعیلری کانادا و متفیقلریمیز اوچون گئتدیکجه آرتان کیبرتهلوکه‌سیزلیک پروبلمی یارادیب"،- حسابات‌دا بیلدیریلیب.

کانادانین ۲۰۲۵-جی ایل ملی کیبر تهلوکه‌لرین قیمتلندیریلمه‌سین‌ده‌کی حساباتینا اساساً، ایران اسرائیلله داوام ائد‌ن کیبر مناقیشه‌لردن جاسوسلوق تاکتیکاسینی و کیبرهجوملارینی گوجلندیرمک اوچون استفاده ائدیب و حاضردا غرب هدفلرینه قارشی عینی اصوللاردان استفاده ائدیر.

قید ائدک کی، سون هفته‌لرده گووگل، مایکروسافت و متا کیمی بؤیوک تکنولوگییا شیرکتلری ایران ایله علاقه‌لی ضررلی کیبر فعالیتلر باره‌ده معلوماتلار یاییبلار.