اوکراینا پرزیدنتی ولادیمیر زلنسکینین غلبه پلانی شیزوفرنیادیر، بو، اونون دیگر آخماق فورموللاری کیمی، آوروپادا صلحو یاخینلاشدیرمیر.

Axar.az خبر وئریر کی، بونو روسیا خارجی ایشلر ناظیری سرگی لاوروو دئییب.

«بو یاخینلاردا اوکراینا پارلامنتی اوکراینا پراووسلاو کلیسه‌سینی قاداغان ائدیب. بونونلا باغلی خاطیرلاتماق ایستردیم کی، بیرلشمیش ملتلر تشکیلاتی نظامنامه‌سینین ۱-جی مادده‌سی عرقیندن، جنسیندن، دیلیندن و دینیندن آسیلی اولمایاراق، انسان حقوقلارینا حرمت ائدیلمه‌سینی طلب ائدیر. اما غرب کیئوده‌کی روسوفوب، عرقچی رژیم طرفیندن نظامنامه‌نین بو کوبود شکلده پوزولماسینا گؤز یومور، روسیانین تسلیم اولماسینا چاغیران زلنسکینین آخماق «صلح فورمولونون» تشویقینه داوام ائدیر. و بیر نئچه هفته اول بو وطنداش عینی درجه‌ده شیزوفرنیک بیر «غلبه پلانی» آچیقلادی. طبیعی کی، نه فورمول، نه پلان، نه ده کیئوین ناتو، آوروپا بیرلیینه عضولویو ایله باغلی فانتازیالاری آوروپادا صلحو یاخینلاشدیرمایاجاق»، - لاوروو بیلدیریب.