حیزبوللاها هجوملا باغلی یئنی دتاللار بللی اولوب.

Axar.az Globalinfo.az-آ استنادن خبر وئریر کی، معلوماتی «تایمس اوف اسرائیل» قزئتی یاییب.

بیلدیریلیب کی، حیزبوللاه لیدری حسن نصروللاهین یئرینین معیینلشدیریلدیی زامان باش ناظر بنیامین نئتانیاهو نیو یورک‌دا ب.م.ت باش آسسامبلئیاسیندا چیخیش ائدیب. چیخیش زامانی اونا کمک‌چیلریندن بیری یاخینلاشاراق نسه دئییب، بوندان سونرا نتانیاهو تعجیلی چیخیشینی بیتیره‌رک کورسونو ترک ائدیب.

قزئت یازیر کی، بوندان سونرا نتانیاهو نیو یورکدان نصروللاهین اولدوغو اراضینین وورولماسی باره‌ده تاپشیریق وئریب. بونونلا بئله حسن نصروللاها هجوملا باغلی آمریکایا تل-اویو سون آندا خبر ائدیب. قزئتین یازدیغینا گؤره، واشنگتونا اسرائیل طیاره‌لری هجوم اوچون یولا دوشدوکدن سونرا معلومات چاتدیریلیب.

قید ائدک کی، اسرائیل اوردوسو بو گون حیزبوللاه لیدری حسن نصروللاهین اؤلوم خبرینی تصدیقله‌ییب.

بو گون گون‌ارتا ساعتلاریندا حیزبوللاه‌ سیلاحلی گروپلاشماسی دا یایدیغی بیاناتدا حسن نصروللاهین هلاک اولدوغونو بیلدیریب.