آنا صحیفه پلانت |
ایران صمیمی، حقیقی هئچ بیر آددیم آتماز. نصروللاهین دا اؤلدورولمهسینه جواب اولاراق هانسیسا تدبیر گؤرمهیهجک. چونکی ایران دولتی بو باش وئرهنلرین هامیسیندان خبرداردیر. تهران حکومتی اؤز اراضیسینه، تورپاقلارینا هئچ نه اولماماسی، تهلوکهنین داخلی سرحدلرینه گلیب چاتماماسی اوچون اونلاری قربان وئریر.
بو سؤزلری Axar.az-ا آچیقلاماسیندا تورکییهنین اؤلکهمیزدهکی کئچمیش حربی آتتاشهسی، گنرال یوجل کاراوز حزبوللاه لیدری حسن نصروللاهین اؤلوم خبرلری و ایرانین ممکن جوابی حاقدا دانیشارکهن دئییب.
او بیلدیریب کی، تهران رژیمی عنعنوی سیاستینین داوامی کیمی بوندان سونرا دا مالیهلشدیردیی سلاحلی گروپلاشمالارین یئنی رهبرلریندن فیگور کیمی استفاده ائدجک:
«ایرانین معلوماتی، نظارتی و تصدیقی اولمادان هانسیسا حادثهنین باش وئرمهسی، منجه، ممکن دئییل. حزبوللاه لیدرینین یئری ایله علاقدار بوتون معلوماتلار بللیدیر. اقامتگاهی بللی اولدوغو حالدا بئله بیر حادثهنین باش وئرمهسی هئچ بیر منطیقه اویغون گلمیر. سادهجه اولاراق ایران اوچون بو فیگورلارین دییشمه واختی گلمیشدی. تهران حکومتی اؤز ایدئولوگییاسینا، «فارس هلالی»نا، ایمپریالیست ادارهائتمهسینه بویون ایهجک، خدمت گؤسترهجک یئنی فیگورلارلا یولونا داوام ائدجک. اونا گؤره کی، آدیچکیلن لیدرلر اوزون مدتدیر وظیفهده ایدی و آرا-سیرا ایرانین نظارتیندن کنارا چیخیردیلار. بیر سؤزله، اؤنجه هانییه (حماس سیاسی بوروسونون رهبری – رئد.)، ایندی ایسه نصروللاهین اؤلدورولمهسی بو گروپلاشمانین سونونو گتیرمز. گروپلاشما یئنی آکتورلارلا فعالیتینه داوام ائدجک. اؤلدورولهن اینسانلارین یئرینه گتیریلهنلر ده ایران نظارتینده، تهران حکومتینین ایدارهائتمهسی آلتیندا، فارس ایدئولوگییاسینا خدمت ائدجک. بونلارین هامیسی راضیلاشدیریلمیش دؤیوشلر، نظارت چرچیوهسینده سرگیلنهن داورانیش شکلیدیر. اونا گؤره ده دوشونمورهم کی، ایران بونا چوخ سرت رئاکسییا وئرسین».
تاریخ
2024.09.28 / 19:16
|
مولف
Axar.az
|