آوروپا پارلامنتینین گورجوستانلا باغلی قبول ائتدیی قطعنامه اؤلکه‌میزین داخلی ایشلرینه «حیاسیز مداخله‌دیر».

Axar.az خبر وئریر کی، بونو گورجو آرزوسو-دموکراتیک گورجوستان پارتییاسینین صدری ایراکلی قاریباشویلی دئییب.

«بو قطعنامه بیرینجی دئییل و یقین کی، سونونجو دا اولمایاجاق. بیز بو جور عدالتسیز قرار و یا قطعنامه لاییحه‌لرینی چوخ گؤرموشوک. یادینیزدادیرسا، ۲ ایل اول اؤلکه‌یه نامزد استاتوسو وئریلمه‌یه‌نده، بو قرارین قبولونا ۱-۲ هفته قالمیش اوخشار مضمونلو «مساژلارلا» اوخشار، عدالتسیز، بیابیرچی قطعنامه قبول ائدیلمیشدی. او زمان دا بیدزینا ایوانیشویلییه قارشی سانکسییالارین تطبیقی، ساآکاشویلینین آزاد ائدیلمه‌سی، کزراشویلینین مدیا منجری کیمی قید اولونماسی ایله باغلی طلبلری وار ایدی»، - قاریباشویلی قید ائدیب.