آذربایجان رگیون‌دا لیدر اولماغا حاضر اولدوغونو گؤستریر. آذربایجانین، ب.م.ت-نین اقلیم دییشمه‌لری اوزره چرچیوه کنونسییاسی‌نین طرفلر کنفرانسی‌نین ۲۹-جو سسییاسینا ائو صاحب‌لییی دنیانین ایندیکی دوروموندا چوخ یاخشی تشبوثدور.

Axar.az خبر وئریر کی، بونو رپورت-آ اوکراینا پرزیدنت اوفیسی‌نین مشاویری میخایل پودولیاک بیلدیریب.

اونون سؤزلرینه گؤره، آذربایجانین گلوبال رول اویناماق امکانی وار:

"من همیشه اؤز رگیونال لیدرلیینی گؤستره‌ن تشبوثکار اؤلکه‌لری بیه‌نیرم. آذربایجان رگیون‌دا لیدر اولماغا حاضر اولدوغونو گؤستریر. بو تمامیله تأثیرلی، رئال گؤرونور. نئجه کی، تورکییه قارا دنیزده رگیونال لیدر اولماغا حاضر اولدوغونو تئز-تئز گؤستریر. آذربایجان دا بونو ائدیر".

پودولیاک بونون چوخ یاخشی پرسپکتیوینین اولدوغونو حساب ائدیر:

"خصوصیله ده منیم فیکریمجه، آذربایجانین انرژی ترافیکی، انرژی ترانزیتی ایله باغلی چوخ مهم روللار توتماق و بونا اویغون اولاراق بو گون داها گلوبال رول اویناماق امکانی وار. البته کی، بونو آلقیشلاماق لازیمدیر".

اوکراینا پرزیدنت اوفیسی‌نین مشاویری همچینین ایکی اؤلکه آراسیندا مناسیبتلرین انکیشافی ایله باغلی امینلیینی وورغولاییب:

"اوکراینا ایله آذربایجان آراسیندا ایکیطرفلی مناسیبتلرین، ائلجه ده اوکراینا ایله تورکییه آراسیندا ایکیطرفلی مناسیبتلرین سون درجه مثبت استیقامتده انکیشاف ائدجه‌یینه ذره قدر شبهه‌م یوخدور. نیه بو فایدالی‌دیر؟ بو، اوکراینانین رگیونلا انرژی باخیمیندان، رگیوندا تأثیر باخیمیندان و س. مناسیبتلرینی ماکسیموم دقیق قورا بیلر. اونا گؤره ده آذربایجانین، ب.م.ت-نین اقلیم دییشمه‌لری اوزره چرچیوه کنونسییاسی‌نین طرفلر کنفرانسی‌نین ۲۹-جو سسییاسینا ائو صاحبلییی دنیانین ایندیکی دوروموندا چوخ یاخشی تشبوث‌دور. دوشونوره‌م کی، اوکراینانین تمثیل‌چیلییی ماکسیموم یوکسک سوییه‌ده اولاجاق. چونکی بئله لایحه‌لرده اشتیراک ائتمک بیزیم اوچون سون درجه واجیبدیر»، - دئیه، او، علاوه ائدیب.