شمالی کورئیا حربچیلرینین روسییادا یئرلشدیریلمه‌سی و اوکراینا جبهه‌سینه گؤندریلمه‌یه حاضرلانماسی محاربه‌نی فرقلی مسطوییه داشییاجاق. غرب اؤلکه‌لرینین لیدرلری و ناتو باش کاتیبی سرت آچیقلامالاری ایله کرملی بو آددیمدان چکیندیرمه‌یه چالیشسالار دا، بونون نتیجه وئرمیجه‌یی اونلارا دا آیدیندیر. کرمل اؤز پلانلاریندان امتناع ائتمه‌یه‌جک.

Axar.az خبر وئریر کی، بو سؤزلری پولیتولوگ ائلخان شاهین‌اوغلو بیلدیریب.

«اوکراینا پرزیدنتی ولادیمیر زلنسکی شمالی کورئیا قوشونلارینین هله دؤیوشه گیرمه‌دیینی بیلدیرسه ده، «بو، آیلارین یوخ، گونلرین ایشیدیر» دئیه وورغولاییب: «شمالی کورئیا عسگرلری کورسک‌دادیر. اونلار اوکراینا ایله دؤیوشمه‌یه حاضیرلاشیر، بو، ایکی اؤلکه‌نین بیرینه قارشی محاربه‌سی‌دیر». اوکراینا پرزیدنتی روسییانین شمالی کورئیا ایله آچیق شکیلده طرفداشلیق ائتدیینی، تخمیناً ۳،۵ میلیون آرتیللرییا مرمیسی الده ائتدیینی ده وورغولاییب. زلنسکی غرب اؤلکه‌لریندن اوکراینایا دستکلرینی آرتیرماسینی ایسته‌ییب.

زلنسکی چینین موجود دوروما سوسماسینا اشاره ائد‌رک رئگیونال تهلوکسیزلیین تأمینات‌چیسی کیمی چینین «سسسیزلییی تعجب‌لودور» دئییب: «پکینین بیزیم طرفیمیزده اولدوغونو دئیه بیلمره‌م، آنجاق چین رئگیونال دولت اولاراق روسییا-اوکراینا محاربه‌سینین گئنیشله‌نمه‌سینده ماراقلی اولمامالیدیر. آسییادا یاپونییا و جنوبی کورئیا سیویل دولتلردیر و شمالی کورئیانین روسییایا حربچی گؤندرمه‌سیندن ناراحات اولوبلار، بیانات وئریبلر، چین‌دن ایسه سس چیخمیر».

چین شمالی کورئیا ایله سیخ مناسیبتلره مالیکدیر. شمالی کورئیا ارزاق چاتیشمازلیغی ایله قارشیلاشاندا بیرینجی نوبه‌ده قونشوسو چینه مراجعت ائدیر. روسییانین سون زامانلار شمالی کورئیا ایله علاقه‌لرینی گئنیشله‌ندیرمه‌یه باشلاماسی پکینین ناراحات ائتمه‌یه بیلمز. شمالی کورئیانین روسییایا حربچیلرینی گؤندرمه‌سی ده چینین ماراقلارینا جاواب وئرمیر. بونا باخمایاراق، پکین آچیق شکیلده بونون علیهینه چیخا بیلمز، چونکی روسییا ایله طرفداشلیق مناسیبتلرینه کؤلگه سالماق ایسته‌میر»، - پولیتولوگ وورغولاییب.