آلمانییانین کئچمیش کانسلری آنگلا مرکل اوکراینا و گورجوستانین ناتو-یا سرعتله داخیل اولماسینی دستکله‌مه‌مک قرارینی دوزگون حساب ائدیر.

Axar.az "بیلد" نشرینه استنادا خبر وئریر کی، بو باره‌ده او، «آزادلیق. خاطره‌لر ۱۹۵۴ - ۲۰۲۱" خاطره‌لرینده یازیب.

کئچمیش کانسلرین فکرینجه، اوکراینا و گورجوستانا ناتو-یا عضولوک اوزره فعالیت پلانینین وئریلمه‌سی اؤلکه‌لرین بلوکا داخیل اولماسی ایله باغلی گئری دؤنمز عهده‌لیک دئمک اولاردی:

"یئنی عضوون قبولو تکجه اونون دئییل، هم ده ناتو-نون اؤزونون تهلوکسیزلیینی یاخشیلاشدیرمالیدیر. پوتینین موقعینی نظره آلمادان اوکراینا و گورجوستان اوچون بو ایستاتوسو مذاکره ائتمیی کوبود سهل انگارلیق حساب ائتدیم".

مرکل یازیر کی، روسیا پرزیدنتی ولادیمیر پوتین هر ایکی اؤلکه‌نی بلوکا داخیل ائتمک وعدینی محاربه اعلانی کیمی قبول ائدردی.

او، اؤلکه‌نین ناتو-یا قبولو اوچون معیارلارین موجودلوغونو خاطرلادیب کی، بو معیارلار اونون حربی پوتنسیالی ایله یاناشی، داخلی ایستروکتورون خصوصیتلرینی ده نظره آلیر.

مرکل قید ائدیب کی، اوکراینا آلیانسا قوشولسا، اونون حربی استروکتورلاری روسیا ایله بیرباشا تماس‌دا اولاجاق، چونکی قارا دنیز دونانماسینین بیرلشمه‌لری روسیا طرفیندن ایلحاق ائدیلمیش کریم‌دا یئرلشیردی.

خاطرلاداق کی، ۲۰۰۸-جی ایلده ناتو-نون بوداپشت‌ده کئچیریلن سامیتین‌ده او واختکی آمریکا پرزیدنتی جورج بوش اوکراینا و گورجوستانین آلیانسا یئنی عضولرین قبولو پروگرامینا – ناتو-نون عضولوک اوزره فعالیت پلانینا - قوشولماسینی تکلیف ائدیب، لاکین مرکل و فرانسانین سابق لیدری نیکولیا سارکوزی بونا قارشی چیخیب.