نویابرین ۱۲-ده تهرانین اینترنت و کیبرمکانا نظارت پلیس‌ینه چاغیرلدیقدان سونرا یوخا چیخان آذربایجان‌لی خانم فعال روشنک مولایی‌نین هارادا ساخلانیلماسی و وضعیتی باره‌ده آچیقلاما وئریلمه‌مه‌سی، اونون حیات‌دا اولوب-اولمادیغی باره‌ده نگران‌لیقلاری آرتیریب.

Axar.az خبر وئریر کی، بو باره‌ده اینسان حاقلاری تشکیلاتلارینین بیاناتلارین‌دا ایلدیریلیب.

اونلارین یازدیغینا گؤره، روشنک مولایی‌نین عائله‌سینین مراجعتلری جواب‌سیز قالیب و مسئله‌نین اجتماعی‌لشدیریلمه‌مه‌سینه گؤره اونلارا تضییق گؤستریلیب.

"اوخشار حبس‌لرله باغلی کئچمیش تجروبه‌لره اساس‌لاناراق، بونون گنج فعالین ایشگه‌نجه ائدیلدیی و ساغلیق دورومونون آغیر اولدوغو باره‌ده احتمال و ناراحات‌لیقلاری آرتیریب"،- بیانات‌دا دئییلیر.

تهران‌دا یاشایان ۲۵ یاش‌لی روشنک مولایی مجبوری حجاب قایدالارینی پوزدوغونا گؤره اونو تحقیر ائد‌ن حکومت مأمورو ایله مباحثه ائتدیینی عکس ائتدیره‌ن ویدئونون سوسیال مئدیادا یاییلماسیندان سونرا پلیسه چاغیریلیب و اوندان سونرا اونون باره‌سینده معلومات آلماق ممکن اولماییب.

مولایی، بوندان اول ۲۰۲۲-جی ایلین سنتیابر آییندا دا عمومی اعتراض آکسیالارینا قوشولدوغونا و مجبوری حجاب قایدالارینی پوزدوغو اوچون مهسا امینینین اؤلدورولمه‌سینه اعتراض ائتدیینه گؤره حبس ائدیله‌رک تهرانین ائوین و قرچک حبس‌خانالارین‌دا ساخلانیلیب.

قید ائدک کی، مولایی‌نین حیاتی‌نین تهلوکه‌ده اولدوغو باره‌ده معلوماتلارین یاییلماسیندان سونرا ایران محکمه سیستمی اونون نویابرین ۱۹-دا محاکیمه اولوندوغو باره‌ده معلومات یاییب.

معلومات‌دا خانیم محبوسون قرچک حبسخاناسیندا ساخلانیلدیغی و آنلاین فورمادا محکمه اجلاسینا قوشولدوغو ادعا ائدیلیب.

روشنک مولایی‌نین محکمه‌یه گتیریلمه‌مه‌سی اونون اشگه‌نجه ائدیلدیی باره‌ده خبرلرین حقیقیلییی احتیمالینی آرتیریب.

محبوس فعالین آنلایین شکیلده محاکیمه اولوندوغونا دایر هئچ بیر ثبوت تقدیم ائدیلمه‌ییب.