آمریکا-نین آذربایجان‌داکی سفیری مارک لیبینین کوپ۲۹-دا چیخیشی زمانی آذربایجان و ارمنیستانین هیدرولوق و مهندسلرینین بؤلگه‌ده سرحد چایلارینین سو احتیاطلارینین واحد اداره‌ائتمه سخئمینین یارادیلماسی استقامتینده بیرگه ایشی باره‌ده معلومات وئرمه‌سیندن درحال سونرا ارمنیستان خارجی ایشلر ناظیرلیی بونو تکذیب ائدیب. ارمنیستان خارجی ایشلر ناظیرلیی سرحدیانی سو احتیاطلارینین اداره ائدیلمه‌سینده ارمنیستانلا آذربایجان آراسین‌دا رسمی امکداشلیغین اولمادیغینی بیلدیریب. آنجاق ارمنیستان خارجی ایشلر ناظیرلیی-نین آچیقلاماسینداکی سونراکی جمله تماسلارین اعترافینا اشاره‌دیر: «بو موضوعدا تماسلار یالنیز ایکی اؤلکه‌نین غیر-حکومت تشکیلاتلاری سوییه‌سینده اولوب».

Axar.az خبر وئریر کی، بو باره‌ده پولیتولوق ائلخان شاهین‌اوغلو قید ائدیب.

«گؤرونور، آمریکا سفیری چیخیشیندا محض بو تماسلاری نظرده توتوب. او دئمه‌ییب کی، سو احتیاطلارینین بیرگه اداره اولونماسی موضوع‌سوندا ایکی اؤلکه‌نین رسمیلری دانیشیقلار آپاریرلار. سفیرین سؤزلرینه گؤره، واشینگتون تماسلاری دستکلییر. بس نیه ارمنیستان خارجی ایشلر ناظیرلیی طرفداشی اولان اؤلکه‌نین سفیرینین سؤزلرینی درحال تکذیب ائتمک ایسته‌ییب؟ ارمنیستان آذربایجان تورپاقلارینی اشغال آلتین‌دا ساخلایارکه‌ن بؤلگه‌نین اکولوگییاسینا بؤیوک ضرر ووروب. ایندینین اؤزونده ارمنیستان آراز چایینی چیرکلندیریر و رسمی باکی بو مسئله‌نی بین‌الخالق تشکیلاتلار قارشی‌سیندا قالدیریر. ارمنیستان‌داکی موسسه‌لر و مدنلر چیرکلی سولارینی و توللانتیلارینی آراز چایینا آخیدیرلار. اونا گؤره بو پروبلم ده ایکی اؤلکه آراسیندا مذاکره پردمتی اولمالیدیر. رسمی ایروان بیلیر کی، اطراف محیطین چیرکله‌نمه‌سینده مسئولیتی وار. بو سببدن رسمی دانیشیقلاردان یایینماغا چالیشیر»، - پولیتولوق وورغولاییب.