نفتین قیمتی آشاغی دوشرسه، اوکراینادا مناقیشه بیته بیلر.

Axar.az خبر وئریر کی، بو سؤزلری داووس دنیا اقتصادی فوروموندا ویدئوفورماتدا چیخیشی زمانی آمریکا پرزیدنتی دونالد ترامپ دئییب.

اونون سؤزلرینه گؤره، نفتین قیمتینین آشاغی دوشمه‌سینه نایل اولماق لازیمدیر.

«روسیا و اوکراینا آراسیندا مناقیشه درحال دایاندیریلمالیدیر. نه قدر کی، نفتین قیمتی یوکسکدیر، بو مناقیشه داوام ائد‌جک، بیز نفتین قیمتینی آشاغی سالاجاغیق و روسیا محاربه‌نی دایاندیراجاق»، - ترامپ بیلدیریب.

او قید ائدیب کی، بو جور تدبیرلر چوخدان حیاتا کئچیریلمه‌لی ایدی:

«اوکراینا محاربه‌نی دایاندیرماغا حاضردیر، مسئله روسیانین اختیاریندادیر. روسیادان سوروشون کی، محاربه بو ایل بیته‌جکمی؟»