چین یئددی آیدیر کی، ایروانا یئنی سفیر تعیین ائتمیر. بو دا ارمنستان-چین مناسیبتلری تاریخینده تمامیله گؤرونممیش بیر حالدیر.

Axar.az خبر وئریر کی، بونو ارمنی پولیتولوگ سورن سرکیسیان دئییب.

«بو، آیدین دیپلماتیک مساژدیر: بئله مسئله‌لرده هئچ بیر تصادف یوخدور. امین اولون، پکینین دیپلماتیک آرسنالیندا بو گون ایروانا گؤندره بیلجیی یوزلرله پئشه‌کار وار»، - او بیلدیریب.

پولیتولوگ بو وضعیته گتیریب چیخاران اوچ اساس سببی آچیقلاییب:

«ارمنستانین «بیر کمر، بیر یول» مگالایحه‌سینه ماراق گؤسترمه‌مه‌سی. چین اوچون بو، اساس تشببوسدور و پکین اؤلکه‌لری لایحه‌نی دستکله‌یه‌نلره و اونا قارشی چیخانلارا بؤلور. ایروان فاکتیکی اولاراق دؤرد ایل اول فعالیتینی دایاندیرمیش دینی آزادلیق آلیانسینین فورمال عضوو اولاراق قالیر، لاکین بو فاکتین اؤزو پکین طرفیندن آنتی‌چین موقعینین تظاهرو کیمی قبول ائدیلیر. ایروان تایوانین اقتصادیات ناظرینی قبول ائدیب کی، بو دا تایوان رسمیلری ایله بیرباشا تماسلاردان یایینماق عهدلیینی پوزور. چین اوچون تایوان مسئله‌سی ان حساس مسئله‌دیر و او، بورادا «واحد چین» پرینسیپیندن کنارا چیخماغا ایمکان وئرمیر».

سرکیسیان وورغولاییب کی، چینین یاناشماسی تمامیله منطیق‌لی‌دیر و سوپر دولتین ماراقلارینا محل قویماماق مناسیبتلرین داها دا سویوماسینا گتیریب چیخارا بیلر.

خاطرلاداق کی، چینین ارمنستان‌داکی اولکی سفیری فان یون میسییاسینی ایول‌دا باشا ووروب و او واختدان بو وظیفه بوش قالیب.