آلمانیانین شمالی رین-وستفالیا ایالتینین دویسبورگ شهرینده نامعلوم شخص دیانت ایشلری تورک اسلام بیرلیینین مرکزی مسجدینین الکترون عنوانینا مکتوب گؤندره‌رک اورایا بمبا یئرلشدیردیینی و گونورتا ساعتلاریندا پارتلاداجاغینی ادعا ائدیب.

Axar.az خبر وئریر کی، ادعا ایله علاقه‌دار اراضییه خیلی سایدا پلیس امکداشلاری جلب اولونوب، مسجد بوشالدیلیب و آختاریش آپاریلیب. عملیات نتیجه‌سینده مسجدده هر هانسی پارتلاییجی مادده آشکارلانماییب و مسجد یئنه عبادت اوچون آچیلیب.

عینی مضمونلو خبردارلیقلار اسن و کلن شهرلرینده‌کی دیانت ایشلری تورک اسلام بیرلیی مرکزی مسجدلرینه ده گؤندریلیب. همین مسجدلرده ده پلیس طرفیندن آختاریشلار آپاریلیب و بمبا آشکار ائدیلمه‌ییب.

پلیس خبردارلیقلارلا علاقه‌دار مسجدلرده محافظه تدبیرلرینی داوام ائتدیریر.

مسجدلرده جمعه نمازی زمانی هر هانسی حادثه باش وئرمه‌ییب.