ارمنیستان‌دا حکومت اجلاسیندان سونرا اینسیدنت یاشانیب.

Axar.az خبر وئریر کی، اجلاس‌دان سونرا ژورنالیستلر خارجی ایشلر ناظیری آرارات میرزویاندان سواللاری جوابلاندیرماسینی ایسته‌ییبلر.

میرزویان سواللارا جواب وئرمکدن امتنا ائدیب. بو واخت ژورنالیستلردن بیری دئییب کی، «سیز آنجاق تورک همکارلارینیزلا دانیشیرسینیز، جناب میرزویان؟» بو سؤزلردن سونرا میرزویان گئری قاییدیب و دئییب: «اولا، من سیزین دئدیکلرینیزی سون درجه کوبود، تربیه‌سیز و غیر-پئشه‌کار حساب ائدیرم. ایکینجی‌سی، بو پئشه‌کار ژورنالیست فعالیتی دئییل، سیاسی آکسیادیر. عاییب اولسون سنه».

ژورنالیستلردن بیری «اوتانمالیسان کی، گلیب بیزی بیابیر ائتدین» دئییب.

میرزویان ایسه جوابین‌دا بیلدیریب کی، سیزدن کیمسه «یالنیز تورک همکارلارینیزلا دانیشیرسینیز» دئیه‌نده، منیم «عاییب اولسون» دئمک حاقیم وار».

قید ائدک کی، بیر گروپ تورکیه‌لی ژورنالیستین ارمنیستانا سفری و پاشینیان‌دان مصاحبه آلماسی ارمنیستاندا جدی مذاکره‌لره سبب اولوب.